Tetelonome 30:19 - Tosi Tapu

¹⁹ E kau too i le aso nei ke fakamaoki kia koutou le lagi mo le kele : E kau tuku ki ou mua le mauli mo le mate, le tapuakina mo le malaia. Ke ke filifili le mauli, o tupu ke ke mauli, a koe mo lou sakoga,

Tetelonome 30:19 ပူးပေါင်းရင်းမြစ်များ

Senesi 2:17

kae e leaise ke kai loa ki le laakau o le iloa o le malie mo le veli, talie ko le aso leia e ke kai ai loa ki le laakau lena, e ke mate loa.

Pesalemo 119:111

Kua liliu au pelesepeto ko loku tofiga o lee gato, Talie ko le fiafiaaga latou o loku loto.

Pesalemo 119:173

Ke tokoi mai lou lima kiate au ! Talie na kau filifili au fakatotonu.

Pesalemo 119:30

E kau filifili le lao o le maoki, E kau fakatuu au lao i oku mua.

Taagapati 1:29

O tupu na lotou vesia ki le iloa, Ti na leaise lotou filifili le i ki le Eteleno,

Taagapati 12:28

E maua le mauli i le ala o le faitotonu, Ti e leaise nofo le mate i le ala e tofa e ia.

Taagapati 8:36

Kae ko leia e agasala kiate au, E fai ia le veli ki lona laumalie ; Ko latou fuli ala e vesia kiate au e alofa ki le mate.

Taagapati 9:11

Ko au leia e liuliuga ia loa ou aso, Ti e fakalasiia loa a fetuu o lou mauli.

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 56:4

Talie e folafola le Eteleno : Ki le kau enuke ala e tausi ia loa oku sapato, Ala e filifili ia loa le nea leia e malie kiate au, Ti e too mau ia loa laku sai :

Selemia 21:8

E ke pati loa ki le kakai lena : E folafola le Eteleno, o pati : Ko leinei, kua kau tuku i okoutou mua le ala o le mauli mo le ala o le mate.

Selemia 32:39

E kau soli loa kia latou se loto e tasi, mo se ala e tasi, O tupu ke lotou i tuumau kiate au, Ti ke lotou manuia ai, ti ke manuia ai foki alatou fanau i olatou muli.

Selemia 42:21

Kua kau fakasa atu a ia kia koutou i le aso nei ; kae e leaise kotou fakalogo ki le leo o le Eteleno, lokoutou Atua, mo nea fuli ala kua tuku mai e ia ke fakasa atu kia koutou.

Esekiele 20:11

Ti na kau soli loa kia latou aku lao ti na kau fakasasa loa kia latou aku fakatotonu, ala e tonu ke fai e le tagata, o tupu ke mauli ai.

Luka 10:42

kae ko le nea fai e tasi e aoga. Ti kua filifili e Malia le vaega malie, leia e leaise toe too loa iate ia.

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.

Tetelonome 11:26

Ke ke tio, e kau tuku i le aso nei ki ou mua le tapuakina mo le malaia :

Tetelonome 30:1

Kapau e soko loa folafola fuli anei kiate koe, le tapuakina mo le malaia ala e kau tuku ki ou mua, kapau e ke toe too loa latou i lou loto katoa i loto malie o puleaga fuli ala na fakamavete loa a koe ki ai e le Eteleno, lou Atua ;

Tetelonome 30:15

Ke ke tio, e kau tuku i le aso nei ki ou mua le mauli mo le malie, le mate mo le veli,

Tetelonome 30:16

talie e kau fakatotonu atu kiate koe i le aso nei ke ke alofa ki le Eteleno, lou Atua, o saele i ona ala, ti mo tausi ana folafola, mo ana lao, mo ana lekula, o tupu ke ke mauli ti mo ke liuliuga, ti ke tapuakii a koe e le Eteleno, lou Atua, i le fenua leia e ke ulu loa ki ai o maua tofiga.

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.

Tetelonome 31:28

Ke kotou fakatasii mai ki oku mua a fakamatuatua fuli o okoutou faasiga, mo okoutou ofisa. E kau lau loa a folafola anei ke lotou logo ki ai ti e kau too ia loa le lagi mo le kele ke fakamaoki kia koutou.

Tetelonome 32:1

Atu lagi, fakalogo mai ou taliga, ti e kau masau loa. Kele, fakalogo mai ki masau o loku gutu.

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Tetelonome 4:25

Ka kotou nonofo loa i le fenua o le fakapapau o fualoa, ti ka kotou maua loa ni fanau mo ni makopuna, ti kapau e kotou vilo loa ki le agasala, o fai loa ni fakatata ta, pe ko ni fakatata paaki, pe ko ni nea ala e veli ki le Eteleno lokoutou Atua, ke tupu ai lona sausau,

Tetelonome 4:26

e kau fakamaoki atu kia koutou i le aso nei, i mua o le lagi mo le kele, e kotou maumau loa i se mate vave i le fenua leia ka kotou ano loa ki ai, o maua tofiga i leia atu fetuu o le Solotane. E leaise kotou fualoa loa i ai, talie e kotou maumau katoa loa.

Tetelonome 4:6

Kotou tausi loa latou ti kotou fai loa latou ; talie ko lokoutou poto mo lokoutou atamai loa a ia ki mata o atu puleaga, ala e logo loa ki le masaui o lao fuli ana ti e lotou pati loa : ko le puleaga lasi leinei, mo poto ai, mo atamai ai !

Tetelonome 6:2

o tupu ke ke i ki le Eteleno, lou Atua, o tausi i aso fuli o lou mauli, e koe, mo lou vosa, mo le vosa o lou vosa, ana lao fuli mo ana lekula fuli ala e kau tuku kiate koe, o tupu foki ke ke fakatologa ou aso.

Uluaki tosi kia Timoteo 5:21

E kau kole mamae atu kiate koe i mua o le Atua, i mua o Sesu-Kilisito, ti mo mua o le kau aselo filifiliia, ke ke tokaga ki nea fuli ana, o sala fakapalatasi ti mo sala fia mata malie.