Tetelonome 30:10 - Tosi Tapu

¹⁰ mo kapau e ke fakalogo loa ki le leo o le Eteleno, lou Atua, o tausi ana lao mo ana lekula ala e tuu i le tosi leinei o le lao, ti mo kapau e ke toe liliu loa ki le Eteleno, lou Atua, i lou loto katoa mo lou laumalie katoa.

Tetelonome 30:10 ပူးပေါင်းရင်းမြစ်များ

Neemia 1:9

Kae kapau e kotou toe liliu mai kiate au, ti kapau e kotou tausi loa aku folafola mo kotou fai latou, pe kotou mavetevete foki o kaku ki potupotu o le malama nei, kae kau fakatasii loa koutou ti e kau toe aumai loa koutou mei lena ki le ganea leia kua kau filifili ke agai ai loku suafa.

Esekiele 18:21

Kapau e tafoki mai loa le tagata agaveli i ana agasala fuli ala na fai e ia, ti kapau e tausi loa e ia aku lao fuli ti mo fai loa e ia le faitotonu mo le maoki, e mauli loa a ia, e leaise mate loa a ia.

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Esekiele 33:14

Ti kapau e kau pati ki le tagata agaveli : E ke mate loa ! - kae kapau e tafoki loa a ia i lana agaveli, o fai le nea leia e totonu mo maoki,

Esekiele 33:19

Ti kapau e tafoki le tagata agasala i lana agaveli, o fai le faitotonu mo le maoki, e mauli loa a ia, o tupu ko le nea lena.

Sakalia 6:15

E au loa mei mamao ni kakai o gaoi i le fale tapu o le Eteleno ; ti e kotou iloa loa kua kakau mai au kia koutou e le Eteleno o kau tau. E soko loa le nea lena, mo kapau e kotou fakalogo ki le leo o le Eteleno, lokoutou Atua.

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Uluaki tosi ki le kau Kolinto 7:19

Ko le nea noa le silikosisio, ti ko le nea noa le lee silikosisio, kae ko le nea leia e mauiga ko le fakalogo ki fakatotonu a le Atua.

Tetelonome 29:21

E tuku loa a ia e le Eteleno ki le malaia, o fakamavae oki loa a ia mei le kakai o Iselaele, o mulimuli ki malaia fuli o le sai leia e tuu i le tosi leinei o le lao.

Tetelonome 30:11

Talie ko le folafola leinei e kau tuku atu kiate koe i le aso nei, e leaise taualuga ake a ia i lou makeke, ti e leaise mamao a ia meiate koe.

Tetelonome 30:2

Ti kapau e ke toe liliu loa ki le Eteleno, lou Atua, ti kapau e ke fakalogo loa ki lona leo i lou loto katoa, mo lou laumalie katoa, a koe mo au fanau, o mulimuli ki le nea katoa leia e kau fakatotonu atu kiate koe i le aso nei,

Tetelonome 30:8

Ti ko koe, e ke toe liliu loa, ti e ke toe fakalogo loa ki le leo o le Eteleno, ti e ke toe fai loa a folafola fuli anei ala e kau tuku atu kiate koe i le aso nei.

Tetelonome 4:29

I lena foki, e ke toe afa loa le Eteleno, lou Atua ; ti e ke maua loa a ia, mo kapau e ke afa loa a ia i lou loto katoa mo lou laumalie katoa.

Tetelonome 6:5

Ke ke alofa loa ki le Eteleno, lou Atua, i lou loto katoa, mo lou laumalie katoa, mo lou makeke katoa.