Tetelonome 3:24 - Tosi Tapu

²⁴ Aliki Eteleno, na ke kamata fakasa ki lau tagata fakasausau lou lasi mo lou makeke ; talie ko ai le atua, i le lagi mo le kele, e mafai ia le fakatautau o au gaoi mo au nea fakatalatupua ?

Tetelonome 3:24 ပူးပေါင်းရင်းမြစ်များ

Lua tosi a Samuele 7:22

Koia e ke lasi ai, ei Eteleno Atua ! Talie e leaise tasi e tatau mo koe, ti e leaise tasi ake Atua kese iate koe, o mulimuli ki nea fuli kua logo ki ai omatou taliga.

Uluaki tosi o Sau 8:42

talie e iloa loa le logologona o lou suafa lasi, mo lou lima makeke, ti mo lou lima falo, io ka au loa a ia o faikole i le fale leinei,

Lua tosi o Koloniko 6:14

Ei Eteleno, Atua o Iselaele ! E leaise tasi ake fua Atua e tatau mo koe, i le lagi mo le kele : e ke taupau lau sai mo lou manava alofa ki au tagata fakasausau ala e saele i ou mua i lolatou loto katoa !

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Pesalemo 106:2

Ko ai e fakasa ia loa a gaoi taualuga a le Eteleno ? Ko ai e fakasa ia loa le fakafetai katoa kiate ia ?

Pesalemo 145:3

E lasi le Eteleno, ti e gali a ia i le fakafetai, Ti e leaise mafai ke iloa lona lasi.

Pesalemo 145:6

E masau loa ki lou makeke fakaii, Ti e kau fakamatala loa lou lasi.

Pesalemo 150:2

Kotou fakafetai kiate ia i ana gaoi lalasi ! Kotou fakafetai kiate ia o mulimuli ki le lasi o lona mafimafi !

Pesalemo 35:10

E pati loa oku ivi fuli : Eteleno ! Ko ai e tatau mo koe, Ke fakamauli ia le tagata mativa i se tasi leia e makeke ake iate ia, Io, le tagata mativa mo le tagata maimoa i leia e fakamakeke ia laua ?

Pesalemo 71:19

Ei Atua, e kaku lou faitotonu ki le lagi ; Na ke fai ni nea lalasi, ei Atua, ko ai e tatau mo koe ?

Pesalemo 86:8

Aliki, e leaise tatau se tasi mo koe i le kau atua, Ti e leaise tatau se nea mo au gaoiaga.

Pesalemo 89:6

Ei Eteleno, e fakafetai le atu lagi ki au gaoi malilie, Ti mo lou agatonu i le fakatasiga o le kau sagato.

Pesalemo 89:8

E fakaii le Atua i le fakatasiga lasi a le kau aselo, E fakaii a ia kia latou fuli ala e takatakai ia a ia.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 8:10

Na tanaki loa latou o fakatuuga, ti na sauga veli loa le fenua katoa.

Ekesote 9:14

Talie, i le faiaga loa leinei, e kau tuku fuli loa aku tautea ki lou loto, ki au tagata fakasausau, ti mo lou kakai, o tupu ke ke iloa e leaise tatau se tasi mo au i le malama nei katoa.

Esaia 40:18

Ko ai e kotou loto ke fakatatau ki ai le Atua ? Ti ko le fakatata fea leia e kotou fakatatau a ia ki ai ?

Esaia 40:25

Ko ai e kotou fakatatau au ki ai, ti ko ai leia e kau tatau mo ia ? E pati le Maokioki.

Selemia 10:6

E leaise tasi e tatau mo koe, Eteleno ! E ke lasi, ti e lasi lou suafa o tupu ko lou mafimafi.

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.

Numelo 23:23

E leaise mafai e nea fakatemonio se nea fua e tasi kia Sakopo, E leaise se aoga o fai kikite ki Iselaele. E lotou iloa i lona temi totonu A gaoi fuli ala e fai e le Atua kia latou.

Tetelonome 11:2

Ke kotou fakamaoki i le aso nei, talie e leaise kau masau nei ki okoutou vosa ala na leaise iloa ia ti na leaise tio ki nea fuli ala na fai e le Eteleno kia koutou, kae ko koutou totonu ala na iloa ia ti na tio mata ki le mafimafi o le Eteleno, lokoutou Atua, mo lona lasi, mo lona lima makeke, mo lona lima falo.

Tetelonome 3:23

I le temi lena na kau tagi loa ki le Eteleno, o pati :

Tetelonome 32:3

Talie e kau fakasa loa le suafa o le Eteleno. Ke fakavikiviki ki lotatou Atua !