Tetelonome 3:22 - Tosi Tapu

²² Ke aua na ke i kia latou ; talie e tau loa le Eteleno, lokoutou Atua, kia koutou.

Tetelonome 3:22 ပူးပေါင်းရင်းမြစ်များ

Lua tosi o Koloniko 13:12

Ko leinei, e nofo le Atua mo ana tagata faisakilifisio mo matou, e lotou takitaki matou, ti e motou maua a fakatagi pupusi ke pupusi o fakafesagai kia koutou. Fanau o Iselaele, aua na kotou tau ki le Eteleno, le Atua o okoutou tamana, talie e leaise kotou malo loa.

Lua tosi o Koloniko 20:17

E leaise kotou tau loa i le tau lena : Ke kotou ano fua, ke kotou tutuu i ai, ti e kotou tio loa ki le saofaki leia ka tuku atu loa e le Eteleno kia koutou. Suta mo Selusalemi, aua na kolua tuania ti aua na kolua i, i apogipogi, kotou ulu ki fafo o fakafetaulaki kia latou, ti e kau loa le Eteleno mo koutou !

Lua tosi o Koloniko 20:29

Na mafola loa le i ki le Eteleno i puleaga fuli o la ake fenua, i le logo na taai e le Eteleno a fili o Iselaele.

Neemia 4:20

I le tagi a le fakatagi pupusi, kotou maopo mai kiate au, ki le ganea leia e kotou logo e pupusi ai le fakatagi : E tau loa lotatou Atua kia tatou.

Pesalemo 44:3

Na ke kapu ki lou lima ni puleaga ke fakanofo latou, Na ke taai ni kakai ke fakamafolafola latou.

Ekesote 14:14

E tau loa le Eteleno o fetogi koutou ; kae ko koutou, ke kotou fakaleemu.

Ekesote 14:25

Na too loa e ia a teka o alatou saliote ke faigataa ai lalatou saele. Ti na pati loa le kau Esipito : Tou sosola i mua o Iselaele, talie kua kau le Eteleno mo ia o tau ki le kau Esipito.

Numelo 21:34

Na pati loa le Eteleno kia Moisese : Aua na ke i kia Oki ; talie e kau tuku a ia ki ou lima, a ia mo lona kakai katoa ti mo lona fenua ; e ke fai loa kiate ia ofaipe lau fai kia Sioni, sau o le kau Amole, leia na nofo i Eseponi.

Tetelonome 1:30

Ko le Eteleno, lokoutou Atua, leia e saele i mua o koutou, e tau loa kia koutou, ofaipe lana fai kia koutou i Esipito, i okoutou mua,

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Tetelonome 20:4

Talie e saele le Eteleno, lokoutou Atua, mo koutou, o tau mo koutou ki okoutou fili, o tupu ke fakamauli koutou.

Tetelonome 3:21

I le aso lena, na kau tuku loa ni fakatotonu kia Sosue, o pati : Na tio ou mata ki nea fuli ala na fai e le Eteleno, lokoutou Atua, ki sau e lua o le kau Amole. E fai fenaaki loa e le Eteleno ki sau o puleaga fuli ala e ke fakalaka ai loa.

Tetelonome 3:23

I le temi lena na kau tagi loa ki le Eteleno, o pati :

Sosue 10:42

Na malo loa Sosue i sau fuli ana, ti na too loa e ia olatou fenua i le tau e tasi, talie na tau le Eteleno, le Atua o Iselaele, o tupu ko Iselaele.

Sosue 23:10

Na kapu e le fa toka tasi o koutou ni fili e tino afe, talie na tau loa le Eteleno, lokoutou Atua o tupu ko koutou, o fai ki lana folafola.