Tetelonome 3:20 - Tosi Tapu

²⁰ o kaku ki le tuku loa e le Eteleno o le malolo ki okoutou fetaina ofaipe koutou, ti ke lotou maua foki le fenua leia e soli loa kia latou e le Eteleno, lokoutou Atua, i le fetuu uesite o le Solotane. I le aso lena e feala loa ke kotou toe liliu ki okoutou tofiga i le fenua leia kua kau soli atu kia koutou.

Tetelonome 3:20 ပူးပေါင်းရင်းမြစ်များ

Numelo 32:18

E leaise motou toe liliu loa ki omatou fale i mua o le tasi nofo o fanau a Iselaele ki lona tofiga.

Numelo 32:22

ti kapau e kotou toe liliu loa i le oki o le fakalogo o le fenua lena ki le Eteleno, e kotou lauatea loa i mua o le Eteleno mo Iselaele, ti e liliu loa le fenua leinei ko lokoutou tofiga i mua o le Eteleno.

Tetelonome 12:9

talie e leikiaise kotou kaku ki le fenua o le malolo leia e soli kia koutou e le Eteleno, lokoutou Atua.

Tetelonome 3:21

I le aso lena, na kau tuku loa ni fakatotonu kia Sosue, o pati : Na tio ou mata ki nea fuli ala na fai e le Eteleno, lokoutou Atua, ki sau e lua o le kau Amole. E fai fenaaki loa e le Eteleno ki sau o puleaga fuli ala e ke fakalaka ai loa.

Sosue 1:15

o kaku ki le temi e tuku ai loa e le Eteleno le malolo ki okoutou fetaina ofaipe koutou, ti ke lotou maua foki le fenua leia e soli loa kia latou e le Eteleno, lokoutou Atua. Kao oki loa a ia, ti o kotou liliu mai loa o nofo i le fenua leia na tuku atu kia koutou e Moisese, tagata fakasausau a le Eteleno, i le fetuu leinei o le Solotane, i le sopoaga o le laa.

Sosue 22:2

Na pati loa a ia kia latou : Kua kotou fai a nea fuli ala na fakatotonu kia koutou e Moisese, tagata fakasausau a le Eteleno, ti kua kotou fakalogo ki loku leo i nea fuli ala na kau fakatotonu kia koutou.

Sosue 22:4

I le aso nei kua soli ai e le Eteleno, lokoutou Atua, le malolo ki okoutou fetaina, o fai ki le nea leia na pati a ia kia latou, kotou toe liliu la o ano ki okoutou falela, i le fenua leia kua kotou maua, leia na soli atu kia koutou e Moisese, tagata fakasausau a le Eteleno i le fetuu esite o le Solotane.

Sosue 22:8

ti na pati loa a ia kia latou : Ke kotou toe liliu la ki okoutou falela mo ni koloa lasi, mo ni kau manu lasi, mo ni paaga lasi, mo ni aulo, mo ni kapa, mo ni ukamea ti mo ni teu. Ke kotou vae loa mo okoutou fetaina a koloa ala na maua mei okoutou fili.

Sosue 22:9

Na toe liliu loa a vosa o Lupeni, mo Kate, mo le vaelua o Manase, ki olatou falela. Na lotou poloaki loa mo la ake fanau a Iselaele i Silo, i le fenua o Kanaane. Ti na lotou ano loa ki le fenua o Kalaate, fenua leia na soli kia latou, o mulimuli ki le fakatotonu a le Eteleno leia na tuku e Moisese.