Tetelonome 29:6 - Tosi Tapu

⁶ na leaise kotou kai se pane, ti na leaise kotou inu se vino pe ko se kava makeke, o tupu ke kotou iloa ko au ko le Eteleno, lokoutou Atua.

Tetelonome 29:6 ပူးပေါင်းရင်းမြစ်များ

Neemia 9:15

Na ke soli loa kia latou se pane mei lagi, i le temi leia na lotou fia kai ai, ti na ke fakasali loa se vai mei le utu i le temi leia na lotou fia inu ai.

Ekesote 16:12

Kua kau logo ki gugu a fanau o Iselaele. Pati kia latou : I le afiafi e kotou kai loa se kanoi manu, ti i le usu apogipogi, e kotou makokona loa i se pane ; ti e kotou iloa loa ko au ko le Eteleno, ko lokoutou Atua.

Ekesote 16:35

Na kai loa e fanau a Iselaele le mane i fetuu e kau fa o kaku ki lalatou kaku ki se fenua leia kua nofoi ; na lotou kai loa le mane o kaku ki lalatou kaku ki koiga o le fenua o Kanaane.

Numelo 16:14

Ti e leaise ko se fenua leia e tafe ai le sua manu mo le sua meli na ke taki matou ki ai, ti e leaise ko ni faisaga magiti mo ni faisaga vite ala na ke soli mai kia matou. Pe ke masalo e kivi a mata o le kakai leinei ? E leaise ma pale atu loa !

Numelo 20:8

Ke ke too lou tokotoko, ti ke ke tanaki le fakatasi, e koe mo lou taina ko Alone. E kolua masau loa i olatou mua ki le utu leinei, ti e soli atu loa e ia ona vai ; e ke fakamapuna loa kia latou se vai mei le utu, ti e ke fakainu loa ki le vai le kakai mo manu.

Uluaki tosi ki le kau Kolinto 10:4

ti na lotou inu fuli le nea inu fakalaumalie e tasi, talie na lotou inu i se utu fakalaumalie leia na mulimuli ia latou, ti ko le utu a ia ko Kilisito.

Uluaki tosi ki le kau Kolinto 9:25

Ko latou fuli ala e fai manogi e fakamaua latou ki sesunio kesekese fuli, ti e lotou fai a ia ke maua ai se pala popo, kae ko tatou, e tou fai a ia ki se pala lee popo.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Tetelonome 2:33

Na tuku mai loa latou e le Eteleno, lotatou Atua, ki otatou lima, ti na tou tamate loa a ia, mo ona vosa, mo lona kakai katoa.

Tetelonome 29:7

Na kotou kaku mai loa ki le ganea leinei ; ti na au loa Sioni, sau o Eseponi, mo Oki, sau o Pasani, o fakafelavei mai kia tatou ke taui tatou, kae na tou malo loa ia latou.

Tetelonome 3:3

Ti na toe tuku loa e le Eteleno, lotatou Atua, ki otatou lima a Oki, sau o Pasani, mo lona kakai katoa ; na tou tamate loa a ia, o leaise sao fua se fa toka tasi o lona kakai.

Tetelonome 3:6

Na tou maumaui katoa loa a kolo ana, ti na tou tamate loa a tagata, mo fafine, mo toe, ofaipe le nea leia na tou fai ki le fenua o Sioni, sau o Eseponi.

Tetelonome 8:3

Na fakamamae e ia a koe, na fakapakupaku e ia a koe, na fagai e ia a koe ki le mane, leia na leaise ke iloa, ti na leaise iloa e ou tamana, ke ako kiate koe e leaise mauli fua le tagata ki le pane, kae e mauli a ia ki nea fuli ala e ulu mei le gutu o le Eteleno.