Tetelonome 29:29 - Tosi Tapu

²⁹ Ko nea ala koi munia a le Eteleno, lotatou Atua ; ko nea ala kua fakasa a tatou mo tou fanau, o lee gato, o tupu ke tou fai a folafola fuli o le lao leinei.

Tetelonome 29:29 ပူးပေါင်းရင်းမြစ်များ

Senesi 41:16

Na tali loa Sosefo kia Falaone : E leaise ko au ! Kae ko le Atua leia e soli ia loa se tali malie kia Falaone.

Sopo 28:28

Ti oki, na pati loa a ia ki le tagata : Ko leinei, ko le i ki le Eteleno ko le poto ; Ko le fakamamao mei le veli ko le atamai.

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Taagapati 25:2

Ko le kololia o le Atua, ko le fufu o nea ; Ko le kololia o sau, ko le iloa o nea.

Taagapati 3:32

Talie e fakalialia le Eteleno ki tagata agaveveli, Kae ko le kaukau nea a ia o tagata maokioki ;

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Selemia 23:18

Ko ai na kau i le fono a le Eteleno, O tio, mo logo ki lana folafola ? Ko ai na tokaga lona taliga ki lana folafola, ko ai na logo ki ai ?

Taniela 2:22

E fakasa e ia le nea leia e loloto mo munia, e iloa e ia le nea leia e tuku i le fakapouli, ti e iate ia le malama.

Taniela 4:9

Pelesatesale, pule o le kau fai nea fakatalatupua, e kau iloa e ke nofo mo le laumalie o atua maokioki, ti e leaise faigataa se nea fakapulipuli kiate koe, fakamatala mai kiate au le uiga o nea ala na kau tio ki ai i laku moe miti.

Amosi 3:7

Talie e leaise fai e le Aliki, le Eteleno, se nea e tasi, Kae e leikiaise fakasa e ia a ia ki ana tagata fakasausau ko le kau polofeta.

Mateo 13:11

Na tali loa Sesu kia latou : Talie kua tuku kia koutou ke kotou iloa a misitelio o le Puleaga o le atu lagi, kae na leaise tuku le nea lena kia latou.

Mateo 13:35

o tupu ke fakasoko le nea leia na fakailo fakatomua e le polofeta : E kau fakamavaa loa loku gutu i ni folafola fakatata, E kau fakasa loa ni nea ala na munia talu mei le fakatupu o le malama nei.

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Soane 20:31

Kae kua tosi a nea anei o tupu ke kotou tui ko Sesu ko le Kilisito, ko le Alo o le Atua, ti ke kotou maua le mauli i lona suafa ki lakoutou tui.

Soane 21:22

Na pati loa Sesu kiate ia : Kapau e kau loto ke mauli a ia o kaku ki laku toe liliu mai, kolea lona mauiga kiate koe ? Ko koe, muli mai iate au.

Soane 5:39

E kotou sufe le Tosi tapu talie e kotou manatu e kotou maua i ai le mauli lee gato. Ko le Tosi tapu leia e fakamaoki kiate au.

Gaoi 1:7

Na tali loa a ia kia latou : E leaise ko kotou ala e tonu ke iloa ia a temi pe ko lakaga ala na fakatuutuu e le Tamana i lona pule toka tasi.

Gaoi 17:11

Ti na loto malie ake le kau Sutea lena ia latou ala o Tesalonika ; ti na lotou tali loa le folafola i se loto oli, o lotou afa i le Tosi tapu i aso taki tasi, ke iloa le maoki o nea ala e fakasa ake kia latou.

Uluaki tosi ki le kau Kolinto 2:16

Talie Ko ai na iloa ia le manatu a le Aliki ? Ko ai na tuku ia ni tokoi kiate ia ? Kae ko tatou, e tou maua le manatu a Kilisito.

Tetelonome 30:2

Ti kapau e ke toe liliu loa ki le Eteleno, lou Atua, ti kapau e ke fakalogo loa ki lona leo i lou loto katoa, mo lou laumalie katoa, a koe mo au fanau, o mulimuli ki le nea katoa leia e kau fakatotonu atu kiate koe i le aso nei,

Tetelonome 6:7

Ke ke ako loa latou ki au fanau, ti ke ke masau loa kia latou mo ka ke nofo loa i lou fale, mo ka ke fanoga loa, mo ka ke moe loa, ti mo ka ke ala ake loa i lau moe.

Lua tosi kia Timoteo 1:5

talie e kau taupau foki le tausi alofa malie o le tui maoki leia iate koe, leia na uluaki nofo i lou tupuna ko Loisa ti mo lou tinana ko Eunise, leia, e kau iloa papau, e toe nofo foki iate koe.

Lua tosi kia Timoteo 3:16

E au le Tosi tapu katoa mei le tukumanava a le Atua, ti e aoga a ia ki le akonaki, mo le valoki, mo le fakatonutonu, mo le fakapotoi ki le maokioki,