Tetelonome 29:28 - Tosi Tapu

²⁸ Na liligi loa e le Eteleno lona sausau kaka mo fakaii ki lona kakai, ti na taaki loa e ia a ia mei lona fenua, ti na kapu loa e ia a ia ki se fenua kese, leia e nofo ai i le aso nei.

Tetelonome 29:28 ပူးပေါင်းရင်းမြစ်များ

Uluaki tosi o Sau 14:15

Na taai loa e le Eteleno a Iselaele, ti e fai loa a ia pe se fa u leia e lu i le atu vai ; e taaki loa e ia a Iselaele mei le fenua malie lena na soli e ia ki olatou tamana, ti e fakamavete loa e ia latou ki leia atu fetuu o le vaitafe, talie na lotou fau ni olatou fakatata ke ita ai le Eteleno.

Lua tosi o Sau 17:18

Koia na ita lasi ai le Eteleno ki Iselaele, o fakamamao a ia mei ona mata. Na toe loa le faasiga o Suta toka tasi.

Lua tosi o Sau 17:23

o kaku ki le kapu e le Eteleno o Iselaele ke mamao mei ona mua, ofaipe lana fakasa fakatomua i ana tagata fakasausau fuli le kau polofeta. Ti na ave popula loa Iselaele ki Asilia, o mamao mo lona fenua, ti na nofo loa a ia i ai o kaku mai ki le aso leinei.

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Lua tosi o Koloniko 7:20

e kau ave loa koutou mei loku fenua leia na kau soli atu kia koutou, ti e kau tiaki mamao loa meiate au le fale leinei kua kau fakatapui ki loku suafa, ti e kau fakaliliu loa a ia ko se nea ke katai mo valoki i puleaga fuli.

Esetalasi 9:7

Talu mei aso o omatou tamana kua motou agasala lasi o kaku mai ki le aso leinei. Ti ko amatou agasala ala kua tuku ia matou, mo omatou sau, mo omatou tagata faisakilifisio, ki lima o sau matapule, mo le seleta, mo le popula, mo le maumau, ti mo le luma leia kua ufiufi ia omatou mata i le aso nei.

Pesalemo 52:5

E ke manako ake ki le veli i le malie, Ki le loi i le maoki. - Manava.

Pesalemo 78:2

E kau fakamavaa loku gutu i ni folafola fakatata, E kau fakasa le poto mei le temi afea.

Taagapati 2:22

Kae e tuuti loa le kau agasala i le fenua, E taaki loa le kau agaveli i ai.

Taagapati 25:2

Ko le kololia o le Atua, ko le fufu o nea ; Ko le kololia o sau, ko le iloa o nea.

Selemia 42:10

Kapau e kotou nonofo i le fenua leinei, e kau fakanonofo oki loa koutou i ai, ti e leaise kau maumaui loa koutou, kae kau to loa koutou, ti e leaise kau toe taaki loa koutou ; talie kua kau fakasemala ki le veli leia na kau fai kia koutou.

Esekiele 19:12

Kae na taaki fakaveliveli loa a ia, o ti ki le kele ; Na fakagae loa ona fua e le matagi o le potu esite ; Na fatifatii loa ona laa makeke o malo ; Na tutu loa a ia e le afi.

Esekiele 19:13

I le lakaga nei kua to a ia i le toafa, I se kele malo mo kaka.

Taniela 2:22

E fakasa e ia le nea leia e loloto mo munia, e iloa e ia le nea leia e tuku i le fakapouli, ti e iate ia le malama.

Taniela 9:7

A au, Aliki, le faitotonu, kae a matou le luma i le aso nei, a tagata o Suta, mo le kakai o Selusalemi, ti mo Iselaele katoa, latou ala e nofo feofi mo latou ala e nofo mamao, i fenua fuli ala kua ke kapu latou ki ai, o tupu ko agatuu fuli ala na lotou agasala ai kiate koe.

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.

Tetelonome 28:36

E fakasaele loa a koe e le Eteleno mo lou sau, leia e ke fakanofo loa kiate koe, ki se puleaga leia na leaise ke iloa, e koe mo ou tamana.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.

Tetelonome 30:1

Kapau e soko loa folafola fuli anei kiate koe, le tapuakina mo le malaia ala e kau tuku ki ou mua, kapau e ke toe too loa latou i lou loto katoa i loto malie o puleaga fuli ala na fakamavete loa a koe ki ai e le Eteleno, lou Atua ;

Tetelonome 32:34

Ko au ko le Eteleno au, Ko lena le nea leia na kau teuteui fakafufu, Ti na kau fakamau i oku koloa fakapulipuli.

Tetelonome 4:27

E fakamavetevete loa koutou e le Eteleno i atu puleaga, ti e toe loa se ga toka teiki fua i puleaga ala e ave loa koutou ki ai e le Eteleno.

Tetelonome 6:24

Na fakatotonu loa e le Eteleno kia matou ke motou fai a lao mo lekula fuli ana, ti ke motou i ki le Eteleno, lomatou Atua, o tupu ke motou manuia tuumau, ti ke tausi e ia omatou mauli, ofaipe lana fai i le aso nei.

Tetelonome 8:18

Ke ke manatui le Eteleno, lou Atua, talie ko ia leia e soli ia loa kiate koe le makeke ke fakatupu ai a koloa ana, o tupu ke fakamaoki ai, ofaipe lana fai i le aso nei, lana fakapapau leia na fai ki ou tamana.