Tetelonome 29:17 - Tosi Tapu

¹⁷ Na kotou tio ki taulaatua fakalialia fuli ala e atolasio ki ai a puleaga ana, ko ni atua ala e fau ki laakau mo fatu, ti e teuteu ki le paaga mo le aulo.

Tetelonome 29:17 ပူးပေါင်းရင်းမြစ်များ

Ekesote 20:23

Aua na kotou fai loa ni taulaatua siliva, pe ko ni taulaatua aulo ke kotou fakatatau mo au, o kotou tausi loa kia latou ; aua na kotou fai loa ni taulaatua.

Levitiko 18:3

Ke aua na kotou fai loa le nea leia e fai i le fenua o Esipito, leia na kotou nofo ai, ti ke aua na kotou fai loa le nea leia e fai i le fenua o Kanaane leia e kau ave koutou ki ai : Ke aua na kotou mulimuli loa ki alatou aga fakafenua.

Tetelonome 11:16

Koia, ke kotou tokaga ai, na kakaai loa okoutou loto, o kotou maliu loa o tausi ki ni atua kese ti mo punou loa kia latou.

Tetelonome 28:36

E fakasaele loa a koe e le Eteleno mo lou sau, leia e ke fakanofo loa kiate koe, ki se puleaga leia na leaise ke iloa, e koe mo ou tamana.

Tetelonome 29:16

Ke kotou iloa le temi leia na tou nonofo ai i le fenua o Esipito, ti mo le temi leia na tou fakalaka ai i loto malie o puleaga ala na tou saele ai i lolatou fenua.

Tetelonome 4:28

I lena, e kotou tausi loa ki ni atua, ko gaoiaga o lima o le tagata, ko ni potu laakau mo ni fatu, ala e leaise feala ke tio, mo logo, mo kai, mo nanamu.