Tetelonome 28:8 - Tosi Tapu

⁸ E kakau loa e le Eteleno le tapuakina ke nofo mo koe i ou fata mo au gaoi. E tapuaki loa a ia kiate koe i le fenua leia e soli atu loa kiate koe e le Eteleno, lou Atua.

Tetelonome 28:8 ပူးပေါင်းရင်းမြစ်များ

Lua tosi o Sau 6:27

Na tali loa le sau : Kapau e leaise saofaki a koe e le Eteleno, ti ke feaki loa laku aga o saofaki a koe ? E leaise koi maua fua se nea kai, e leaise koi maua fua se falina pe ko se vino.

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Pesalemo 128:2

Talie e ke kai loa ki le gaoi o ou lima : E ke manuia, e ke tupu lou manuia.

Pesalemo 133:3

E fai a ia pe le sasau o le Elemoni, Leia e ifo ki mauga o Sione ; Talie ko le ganea lena e kakau mei ai e le Eteleno le tapuakina, Le mauli, ki le lee gato.

Pesalemo 144:13

E apelepele omatou fale tanaki magiti i magiti kesekese ; E liuliuga amatou kau manu, o lau i afe, mo kau agafulu afe, I omatou aloalo fenua.

Pesalemo 42:8

E kalaga se tasi vaitafe ki se tasi vaitafe ; E fakalaka ou vai fuli mo au galu fuli iate au.

Pesalemo 44:4

Talie na leaise lotou maua le fenua o tupu ko alatou seleta, Na leaise saofaki latou e olatou lima : Kae ko lou lima atamai, ko lou makeke, ko le malama o ou mata, Talie na ke alofa kia latou.

Levitiko 25:21

E kau tuku atu loa kia koutou laku tapuaki i le ono o fetuu, ti e soli loa e ia se taukai ki fetuu e tolu.

Levitiko 26:10

E kotou kai loa a taukai afea ti e kotou too loa latou o tupu ke maua ni ganea ala ke tanaki ai a taukai foou.

Akeseo 2:19

Pe na koi i ai se pulapula i okoutou fata ? Tatau foki mo le vite, mo le fiki, mo le kelenati, ti mo le oliveto, Na leaise tuku ia se nea fua e tasi. Kae i le aso nei e kau liligi loa laku tapuakina.

Mateo 13:30

Kotou tuku ke la sosomo fakatasi o kaku ki le temi leia e la matutua ai, ti, i le temi tuuti o le fulumeto, e kau pati loa ki le kau tagata gaoi : Kotou taaki mua le sisania, o fui a ia ke tutu, kae kotou tanaki le fulumeto ki loku fata.

Mateo 6:26

Kotou tio ki manu lele o le lagi : E leaise lotou to magiti pe lotou utu, ti e leaise lotou tanaki fua se nea i ni fale tanaki magiti ; kae e fagai latou e lokoutou Tamana i Selo. Pe leaise kotou mauiga lasi ake ia latou ?

Luka 12:18

Ti na pati loa a ia, ko leinei le nea leia ka kau fai loa : E kau maumaui loa oku fale tanakiaga magiti, ti e kau toe fakatuu loa ni iki ake ala e toe lalasi ake, ti e kau tanaki loa ki ai aku magiti fuli mo oku koloa fuli ;

Tetelonome 14:29

Ti e au loa le Levi, leia e leaise maua ia se vaega mo se tofiga mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i ou matapa, ti e lotou kai loa ti e lotou makokona loa, o tupu ke tapuaki loa kiate koe le Eteleno, lou Atua, i gaoi fuli ala e fai loa e ou lima.

Tetelonome 15:10

E ke fai loa se alofa kiate ia, ti e ke fai loa a ia i se loto malie ; talie e tapuaki loa le Eteleno, lou Atua kiate koe, o tupu ko le nea lena, i gaoi fuli mo nea fuli ala e fafa loa ki ai ou lima.

Tetelonome 15:4

Koleia, e leaise maua loa se mativa iate koe, talie e fakaapele loa a koe e le Eteleno, lou Atua, ki nea malilie i le fenua leia e soli atu loa e ia ke ke maua tofiga,

Tetelonome 28:20

E kakau mai loa e le Eteleno kiate koe le malaia, mo le mamae, mo le tautea, i au gaoi fuli, o kaku ki lou maumaui mo lou mate fakafokifa, o tupu ko le fakalialia o au gaoi mo lau tiaki ia le Eteleno.

Tetelonome 28:7

E kapu loa e le Eteleno i ou mua ou fili ala e malaga atu loa kiate koe. E lotou au loa kiate koe i se ala e tasi, ti e lotou sosola loa i ou mua i ni ala e fitu.