Tetelonome 28:65 - Tosi Tapu

⁶⁵ I puleaga ana, e leaise ke fimalie loa ti e leaise ke maua loa se ganea leia ke malolo ai ou alofivae. Kae e tuku loa e le Eteleno kiate koe se loto lulu, mo ni mata gaegae, mo se loto mamae.

Tetelonome 28:65 ပူးပေါင်းရင်းမြစ်များ

Senesi 8:9

Kae na leaise maua loa e le lupe se ganea leia ke tuu ai ona vae, ti na toe liliu loa a ia kia Noe i le aleka, talie na koi nofo le vai i aluga o le kele katoa. Ti na falo loa e Noe lona lima o too le lupe o fakaulu ki le aleka i ona tafa.

Sopo 11:20

Kae e gaegae loa a mata o le kau agaveli, e leaise se solaaga kia latou ; Ti ko le mate, ko lena lolatou amanaki fakamuli.

Esaia 51:17

Ke ke alaala, ke ke alaala ! Ke ke tuu ki aluga, Selusalemi, Leia na inu ia le ipu o lona sausau mei le lima o le Eteleno, Leia na inu ia, na mimiti ia le ipu o le galivale o kaku ki le takele !

Esaia 57:21

E leai se tokamalie ki le kau agaveli, e pati loku Atua.

Esaia 65:14

Ko leinei, e sua loa aku tagata fakasausau i le fiafia o olatou loto ; Kae e kotou tagi loa i le mamae o lokoutou laumalie, Ti e kotou tagi laulau loa i le mamae okoutou loto.

Tagi laulau a Selemia 1:3

Kua ano Suta ki le popula, vikitima o le taomia mo popula lasi ; Kua nofo a ia i loto malie o atu puleaga, Ti e leaise maua fua e ia se malolo i ai ; Na fakamautoka a ia i lona mamae e latou fuli ala na fakaveliveli kiate ia.

Tagi laulau a Selemia 3:65

E ke tuku loa latou ki le fefeka o olatou loto, Mo le malaia leia e au meiate koe ;

Tagi laulau a Selemia 5:17

Kapau e mamae omatou loto, Kapau e fakapouli omatou mata,

Levitiko 26:16

ko leinei le nea leia e kau fai loa kia koutou : E kau tuku loa kia koutou le i, mo le mate, mo le taumasaki, ke lotou kai ia okoutou mata mo okoutou mauli. E kotou to loa akoutou faisaga, kae e leaise kotou maua loa se fua kia koutou, talie e too loa e okoutou fili a taukai.

Levitiko 26:36

E kau fakagaegae ia loa a loto o latou ala o koutou e mauli loa i fenua o olatou fili ; e lotou sosola loa i le ga pakaka fua o se lau laakau i le matagi ; e lotou fesolaki loa ofaipe le fesolaki i mua o le fili i le tau, ti e lotou sisiga loa ki le kele kae e leaise tuli latou e se tasi.

Amosi 9:4

Kapau e lotou ano loa ki le popula i mua o olatou fili, E kau fakatotonu loa ki le seleta ke tamate latou i ai ; E kau fakaagaaga loa oku mata kia latou, Ke kau fai se veli kae leai se malie.

Apakuki 3:16

Na kau logo… Ti na aloalofa oku tootooga. I le leo lena, e tete oku laugutu, E okioki oku ivi, Ti e lulu oku tuli : E tonu ke kau talitali fakalologo ki le aso o le mamae, Le aso leia e saele ai loa le tagata fakaveliveli ki le kakai.

Mateo 24:8

Ko nea fuli ana ko le kamataaga a ia o mamae.

Luka 21:26

Ti e tio noa loa le kakai i le i lasi ai ti mo le talitali pe kolea ka soko mai loa ki le malama nei katoa ; talie e galulu loa a makeke fuli o le lagi.

Loma 11:10

Ke fakapouli olatou mata ke aua na lotou tio, Ti ke piko tuumau olatou tua !

Tetelonome 28:66

E leaise ke iloa loa pe ke mauli pe ke mate : E ke i loa i le ao mo le pouli, ti e ke lotolotolua loa ki lou mauli.