Tetelonome 28:57 - Tosi Tapu

⁵⁷ mo lona ga toe foki leia nao fanaui ake fua, mo le valegafanau o le toe leia nao vilo ake fua iate ia. I le lasi o le mativa mo le pakupaku i le temi o le tau, e fanaki loa le fafine lena ki nea ana ke kai fakafufu loa e ia toka tasi, o tupu ko le veli ai o le fakaaloalofa leia e tuku loa e lou fili kiate koe i kolo fuli ala e ke nofo ai loa.

Tetelonome 28:57 ပူးပေါင်းရင်းမြစ်များ

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Lua tosi o Sau 6:28

Ti na pati loa le sau ki le fafine : Kolea e ke mamae ki ai ? Na tali loa le fafine : Na pati mai le fafine leia kiate au : Soli mai lou tama ! E ta kai loa a ia i le aso nei, ti ta kai loa loku tama i apogipogi.

Lua tosi o Sau 6:29

Na ma fakamoso loa loku tama, o ma kai a ia. I leia ake a aso, na kau pati kiate ia : Soli mai lou tama ke ta kai. Kae na fufu e ia lona tama.

Esaia 49:15

Pe galoi e se fafine lana fanau leia e fakau e ia ? Pe leaise alofa a ia ki le fua o lona manava ? Pe ka galoi loa e le tinana lana fanau, Ko au e leaise kau galoi loa a koe.

Tagi laulau a Selemia 4:10

Kua tao e fafine alatou fanau, Logo ai lolatou alofa fakatinana ; Ko lalatou nea kai lena I le lolotoga o le malaia o le taine o loku kakai.

Tetelonome 28:53

I loto malie o le i mo le fakaaloalofa leia e tuku loa e lou fili kiate koe, e ke kai loa a fua o lou manava, le tino o lou vosa mo lou taine, ala e soli atu loa kiate koe e le Eteleno, lou Atua.