Tetelonome 28:55 - Tosi Tapu

⁵⁵ E tuania ia loa e ia le vaevae o le tino o lana fanau mo se tasi o latou, talie ko lana nea kai a ia e tasi. E leaise toe maua e ia se tasi ake nea kai i le temi lena o le tau, o tupu ko le lasi o le fakaaloalofa leia e tuku loa kiate koe e lou fili i kolo fuli ala e ke nofo ai loa.

Tetelonome 28:55 ပူးပေါင်းရင်းမြစ်များ

Selemia 19:9

E kau fagai loa latou ki tino o olatou vosa mo tino o olatou taineliki, Ti e lotou fekaiaki loa olatou tino, I loto malie o le i mo le mamae, Ala e tuku loa latou ki ai e olatou fili Ti mo latou ala e loto ki lolatou mauli.

Selemia 34:2

E folafola le Eteleno, le Atua o Iselaele, o pati : Ano, o pati kia Setesiasi, sau o Suta, pati kiate ia : E folafola le Eteleno, o pati : Ko leinei, e kau tuku le kolo leinei ki lima o le sau o Papilone, ti e tutu loa e ia a ia ki le afi.

Selemia 5:10

Kotou kava ki ona paa, ti kotou soloi, Kae aua na kotou maumaui katoa ! Kotou tatai ona tafito vite Ala e leaise kau ki le Eteleno !

Selemia 52:6

I le aso iva o le masina fa, na veli ai le oge i le kolo, ti na leaise koi maua se pane ki le kakai o le fenua.

Tetelonome 28:53

I loto malie o le i mo le fakaaloalofa leia e tuku loa e lou fili kiate koe, e ke kai loa a fua o lou manava, le tino o lou vosa mo lou taine, ala e soli atu loa kiate koe e le Eteleno, lou Atua.

Tetelonome 28:54

Ko le tagata, leia ia koutou na fakapotopoto mo agamalu, e tio fakaveli loa ki lona taina, mo lona avaga totonu, mo ona vosa ala koi nonofo mo ia.

Tetelonome 28:56

Ko le fafine, leia ia koutou na fakapotopoto mo agamalu, leia na leaise poto fua i le fakalave o lona vae ki le kele na kelekele, e tio fakaveli loa ki lona avaga totonu, mo lona tama, mo lona taine,