Tetelonome 28:54 - Tosi Tapu

⁵⁴ Ko le tagata, leia ia koutou na fakapotopoto mo agamalu, e tio fakaveli loa ki lona taina, mo lona avaga totonu, mo ona vosa ala koi nonofo mo ia.

Tetelonome 28:54 ပူးပေါင်းရင်းမြစ်များ

Lua tosi a Samuele 12:3

Kae na leaise maua se nea e le tagata mativa, ko se ga ovi fafine muli fua e tasi leia na totogi e ia ; na fagai e ia a ia, ti na tupu ake a ia o lasi i lona fale mo ona toe ; na kai a ia ki lana pane, ti na inu a ia i lona ipu, ti na moe a ia i lona fatafata, ti na tio a ia ki ai ofaipe sona taine.

Pesalemo 103:13

Ofaipe se tamana leia e alofa ki ana fanau, E alofa foki le Eteleno kia latou ala e i kiate ia.

Taagapati 23:6

Aua na ke kai le pane o leia e tio fakaveli ona mata, Ti aua na ke manumanu ki ana nea kai malilie ;

Taagapati 28:22

E faiga se tagata manumanu koloa ke mou koloa vave, Kae e leaise iloa e ia ko le pakupaku leia ka kaku loa kiate ia.

Esaia 49:15

Pe galoi e se fafine lana fanau leia e fakau e ia ? Pe leaise alofa a ia ki le fua o lona manava ? Pe ka galoi loa e le tinana lana fanau, Ko au e leaise kau galoi loa a koe.

Mikea 7:5

Aua na ke tui ki se kaukau nea, Aua na ke fanaki ki sou kaiga totonu ; Tapono matapa o lou gutu I mua o le fafine leia e malolo i lou fatafata.

Mateo 11:8

Kae kolea foki leia na kotou ano o tioi ? pe ko se tagata kua kofu ki ni kofu gigila ? Ko leinei, ko latou ala e kofu ki kofu gigila e nonofo i fale o sau.

Mateo 20:15

Pe se taga kiate au ke kau fai ki loku koloa o mulimuli ki le nea leia e kau loto ki ai ? Pe ke tio fakaveli ki loku agamalie ?

Tetelonome 13:6

Kapau e fakasekeseke fakafufu loa kiate koe lou taina, le vosa o lou tinana, pe ko lou vosa, pe ko lou taine, pe ko lau avaga totonu, pe ko lou soa leia e ke alofa ki ai ofaipe koe totonu, o pati atu : Ke ta ano o tausi ki ni iki atua kese ! ko ni atua ala e leaise ke iloa ti na leaise iloa foki e ou tamana ;

Tetelonome 15:9

Ke ke tokaga ai na ke maua loa i lou loto ni manatu fakalialia, o ke pati loa : kua ofi le fitu o fetuu, le fetuu o le soloi o maua ! Ke ke tokaga na ke maua loa se tio fakaveli ki lou taina leia e mativa, o leaise ke soli loa kiate ia se nea. E kalaga loa a ia ki le Eteleno o uiga mo koe, ti e ke amo loa i ai se agasala.

Tetelonome 28:53

I loto malie o le i mo le fakaaloalofa leia e tuku loa e lou fili kiate koe, e ke kai loa a fua o lou manava, le tino o lou vosa mo lou taine, ala e soli atu loa kiate koe e le Eteleno, lou Atua.

Tetelonome 28:55

E tuania ia loa e ia le vaevae o le tino o lana fanau mo se tasi o latou, talie ko lana nea kai a ia e tasi. E leaise toe maua e ia se tasi ake nea kai i le temi lena o le tau, o tupu ko le lasi o le fakaaloalofa leia e tuku loa kiate koe e lou fili i kolo fuli ala e ke nofo ai loa.