Tetelonome 28:51 - Tosi Tapu

⁵¹ E kai loa e ia le fua o lau kau ovi mo le fua o lou kele o kaku ki lou maumaui ; e leaise tuku atu loa e ia kiate koe se fulumeto, pe ko se vino foou, pe ko se lolo, pe ko se uviki pipi, pe ko se uviki ovi, pe ko se uviki koti, o kaku ki lana maumaui a koe.

Tetelonome 28:51 ပူးပေါင်းရင်းမြစ်များ

Lua tosi o Sau 25:10

Na maumaui loa e le solia katoa a le kau Kaletea, leia na ano mo le pule o le kau leo, a paa takatakai o Selusalemi.

Esaia 1:7

Kua maumaui lokoutou fenua, Kua tutu okoutou kolo e le afi, Ko ni kakai kese ala kua kai ia a koloa o lokoutou fenua i okoutou mata, E lotou kaia a ia mo maumaui, ofaipe ni kau kaikivao.

Esaia 62:8

Na fakapapau a ia i lona lima atamai ti mo lona lima makeke : E leaise kau toe soli loa lau fulumeto ke kai e ou fili, Ti e leaise toe inu loa e vosa o le matapule lau vino, Fua o au gaoi ;

Selemia 15:13

E kau soli noa au nea malilie mo ou koloa fufu ke kaia, O tupu ko au agasala fuli, i lou fenua katoa.

Selemia 17:3

E kau tuku ke kaia loku mauga mo ona faisaga, mo au nea malilie, mo ou koloa fufu fuli, Ti mo ou ganea taualuga, o tupu ko au agasala, i lou fenua katoa.

Tagi laulau a Selemia 4:9

Ko latou ala e mamate i le seleta e manuia ake Ia latou ala e mamate i le fia kai, Ala e vivilo Talie e leaise koi i ai ni fua o faisaga.

Esekiele 12:19

Pati ki le kakai o le fenua : Ko leinei le folafola a le Aliki, le Eteleno, Ki kakai o Selusalemi i le kele o Iselaele ! E lotou kai loa lalatou pane i le mamae, Ti e lotou inu loa lalatou vai i le i, Talie e mativa loa le fenua i nea fuli e mau e ia, O tupu ko le agamakeke o latou fuli ala e nonofo i ai.

Esekiele 25:4

Ko leinei, e kau tuku loa a koe ke maua e vosa o le potu esite ; E lotou fakatuu loa i loto malie o ou alatou lotoa manu, Ti e lotou fakatuu loa i ai olatou nofoaga ; E lotou kai loa au fuai laakau, E lotou inu loa lau sua u.

Levitiko 26:26

E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Tetelonome 28:33

Ko se kakai leia e leaise ke iloa e kai ia loa a fua o lou kele mo le fua o lau gaoi katoa, ti e ke mauli popula loa ti mo taomia loa i aso fuli.

Tetelonome 28:50

se puleaga leia e fakaii, ti e leaise fakaapaapa ki le matua sina, ti e leaise alofa ki fanau liliki.

Tetelonome 28:52

E taui loa e ia a koe i kolo fuli ala e tuku atu loa kiate koe e le Eteleno, lou Atua. E lotou taui loa a koe o kaku ki le siga ki lalo o kaua makeke ala e ke mumuni ai i muli ti na ke fanaki ki ai.