Tetelonome 28:36 - Tosi Tapu

³⁶ E fakasaele loa a koe e le Eteleno mo lou sau, leia e ke fakanofo loa kiate koe, ki se puleaga leia na leaise ke iloa, e koe mo ou tamana.

Tetelonome 28:36 ပူးပေါင်းရင်းမြစ်များ

Lua tosi o Sau 25:11

Na ave popula loa e Nepusalatane, pule o le solia, latou ala o le kakai na nonofo i le kolo, mo latou ala na ano ki mua o le sau o Papilone, ti mo le toega o le kakai toka api.

Lua tosi o Sau 25:21

Na tamate loa latou e le sau o Papilone i Lipela, i le fenua o Amate.

Lua tosi o Koloniko 33:11

Koia na kakau ai loa e le Eteleno kia latou a pule solia a le sau o Asilia, ala na too ia loa Manase o tuku ki ukamea, o fakapiki ni ukamea ki lona gutu mo saisai a ia ki ni tini o ave ki Papilone.

Lua tosi o Koloniko 36:1

Na too loa e le kakai o le fenua a Soakase, vosa o Sosiasi, o fakanofo ke sau o fetogi lona tamana i Selusalemi.

Lua tosi o Koloniko 36:17

Koia na aumai ai loa e le Eteleno kia latou le sau o le kau Kaletea, ti na tamate loa e ia ki le seleta o lotou kau tupulaga i le fale o lolatou sagatualio ; na leaise fakasao fua e ia se tama pe ko se taine, se tagata atuatu pe ko se matua sina ; na tuku loa e ia a nea fuli ki ona lima.

Lua tosi o Koloniko 36:20

Na ave loa e Nepukatenesale o fakapopula i Papilone latou fuli ala na sao i le seleta ; ti na lotou popula loa kiate ia, kiate ia mo ona vosa, o kaku ki le pule a le puleaga o Pelesi,

Lua tosi o Koloniko 36:6

Na pale loa Nepukatenesale, sau o Papilone, o taui a ia, ti na sai loa e ia a ia ki ni tini sila o ave ki Papilone.

Esaia 39:7

Ti e too loa ou vosa totonu, ala na tupu meiate koe o fakaliliu ko ni enuke i le fale sau o le sau o Papilone.

Selemia 15:14

E kau tuku a koe ke ano mo lou fili ki se fenua leia e leaise ke iloa, Talie kua mu le afi o loku sausau, Kua ula a ia kia koutou.

Selemia 16:13

E kau ave loa koutou i le fenua leinei Ki se fenua leia na leaise kotou iloa, E koutou mo okoutou tamana ; I lena, e kotou tausi loa ki ni atua kese i le ao mo le po, Talie e leaise kau soli loa kia koutou se kalasia.

Selemia 39:1

I le too o Selusalemi, i le fetuu iva o Setesiasi, sau o Suta, i le masina kau agafulu, na au loa Nepukatenesale, sau o Papilone, mo lana solia katoa o takatakai Selusalemi.

Selemia 9:15

Koia leia e folafola ai le Eteleno o kau tau, le Atua o Iselaele, o pati : Ko leinei, e kau fagai loa le kakai leinei ki le nea kona, Ti e kau fakainu loa kia latou se vai kona.

Tagi laulau a Selemia 2:9

Kua ogo ona matapa i le kele ; Ti na maumaui e ia mo fatifatii ona ukamea fakamaumau. Kua nofo lona sau mo ona pule i lotolotoga o atu puleaga ; e leaise koi i ai se lao. E leaise koi maua foki e le kau polofeta se nea mei le Eteleno.

Tagi laulau a Selemia 4:20

Ko leia na fakalogo ki ai lamatou tukumanava, le filifiliia a le Eteleno, Na vilo ki olatou popoko, A ia leia na motou pati ki ai, E motou mauli loa i lona malu i atu puleaga.

Esekiele 11:9

E kau fakamavae loa koutou i loto malie o le kolo, E kau tuku loa koutou ki lima o ni kau matapule, Ti e kau fakasoko loa kia koutou aku fakamaauaga.

Esekiele 20:39

Ti ko koutou, fale o Iselaele, e folafola le Aliki, le Eteleno, o pati : Ke kotou tasi ano o tausi ki ona taulaatua ! Kae i le oki o le nea lena, e kotou fakalogo mai loa kiate au, ti e leaise kotou toe fakakelekele loa loku suafa taputapu ki akoutou moliga mo okoutou taulaatua.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.

Tetelonome 29:17

Na kotou tio ki taulaatua fakalialia fuli ala e atolasio ki ai a puleaga ana, ko ni atua ala e fau ki laakau mo fatu, ti e teuteu ki le paaga mo le aulo.

Tetelonome 4:27

E fakamavetevete loa koutou e le Eteleno i atu puleaga, ti e toe loa se ga toka teiki fua i puleaga ala e ave loa koutou ki ai e le Eteleno.

Tetelonome 4:28

I lena, e kotou tausi loa ki ni atua, ko gaoiaga o lima o le tagata, ko ni potu laakau mo ni fatu, ala e leaise feala ke tio, mo logo, mo kai, mo nanamu.

Uluaki tosi a Samuele 12:25

Kae kapau e kotou fai le agaveli, e kotou mamate loa, koutou mo lokoutou sau.