Tetelonome 28:34 - Tosi Tapu

³⁴ E ke ulu vale loa o tupu ko le nea leia e tio loa ki ai ou mata.

Tetelonome 28:34 ပူးပေါင်းရင်းမြစ်များ

Sopo 41:9

Ka mafatua a ia, e gigila le malama, Ti e fai ona mata pe laumata o le mafoata.

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Selemia 39:6

Na fakatotonu loa e le sau o Papilone ke tamate a vosa o Setesiasi i ona mua ; ti na toe fakatotonu foki e le sau o Papilone ke tamate a kau lalasi fuli o Suta.

Tetelonome 28:28

E tautea loa a koe e le Eteleno ki le ulu vale, mo le mata fakapouli, mo le valea.

Tetelonome 28:33

Ko se kakai leia e leaise ke iloa e kai ia loa a fua o lou kele mo le fua o lau gaoi katoa, ti e ke mauli popula loa ti mo taomia loa i aso fuli.

Tetelonome 28:35

E tautea loa a koe e le Eteleno ki se masaki papala leia e kamata loa i ou tuli mo ou vae, ti e mafola loa o kaku ki ou taga vae mo lou tumuaki.

Tetelonome 28:68

Ti e toe aumai loa a koe e le Eteleno i ni vaka ki Esipito, ti e ke toe fai ia loa le ala leia na kau pati atu kiate koe : ke aua na ke toe tio loa ki ai ! I lena, ko tagata mo fafine, e kotou fakatau loa koutou totonu ki okoutou fili ke popula, ti e leaise maua loa se tasi leia e fia totogi ia loa koutou.