Tetelonome 28:32 - Tosi Tapu

³² E tuku loa ou vosa mo ou taineliki ki se puleaga kese, ti e tio loa ou mata ki ai ti e lotou mamae loa i aso fuli o tupu ko latou, kae e leaise ke mafai ia loa se nea.

Tetelonome 28:32 ပူးပေါင်းရင်းမြစ်များ

Lua tosi o Koloniko 29:9

Ti ko leinei, kua mamate otou tamana i le seleta, ti kua ave popula otou vosa mo otou taineliki, o tupu ko le nea lena.

Sopo 11:20

Kae e gaegae loa a mata o le kau agaveli, e leaise se solaaga kia latou ; Ti ko le mate, ko lena lolatou amanaki fakamuli.

Sopo 17:5

E lotou faipe le tagata o le taagapati ; E fakaafe e ia ona kaukaunea ke vaevae mo ia lana nea kai, Kae tiaki e ia ana fanau totonu ke mamate.

Sopo 31:8

Ke kau muluki ti ke utu e se tasi, Ti ke taaki oku uli i le kele !

Pesalemo 119:123

E gaegae oku mata i le talitali ki lou fakamauli, Ti mo le fakapapau o lou faitotonu.

Pesalemo 119:82

E oli mamae oku mata ki lau fakapapau ; E kau pati : Ko afea e ke fakapelepele ai loa au ?

Pesalemo 69:3

E kau ogo i le pela, e leaise mafai ke kau tuu ; Na kau vilo ki se pupua, ti e kau malemo i se vai lasi.

Esaia 38:14

Na kau tagi ofaipe se pekapeka e lele, Na kau tagi ofaipe le lupe ; Na gaegae oku mata i le tio ki le lagi : Ei Eteleno ! kua kau taomia i le i, saofaki au !

Tagi laulau a Selemia 1:18

E faitotonu le Eteleno, Talie na kau agatuu ki ana fakatotonu. Kotou fakalogo mai, koutou fuli, atu kakai, ti kotou tio ki loku mamae ! Kua ano ki le popula oku taineliki taupoou mo oku tama tupulaga.

Tagi laulau a Selemia 2:11

Kua gaegae oku mata i le tagi, kua pula oku tootooga, Kua pa loku au i le kele, O tupu kua maumau le taine o loku kakai, O tupu kua mata fakapouli a toe mo toe memea i ala o le kolo.

Tagi laulau a Selemia 4:17

E soko atu le gaegae o omatou mata, Ti e motou talitali noa ki se tokoi. Na amanaki malie omatou mata Ki se puleaga leia na leaise saofaki ia matou.

Tagi laulau a Selemia 5:17

Kapau e mamae omatou loto, Kapau e fakapouli omatou mata,

Esekiele 24:25

Ti ko koe, vosa o le tagata, i le aso leia e kau too ai loa le nea leia e fakatupu ia lolatou makeke, mo lolatou fiafia, ti mo lolatou kololia, e kau toe too ai foki le fiafiaaga o olatou mata ti mo le tauaga o olatou alofa, olatou vosa mo olatou taineliki.

Soele 3:6

Na kotou fakatau a fanau o Suta mo Selusalemi ki le kau Keleka O tupu ke fakamamao latou i lolatou fenua.

Amosi 5:27

Ti e kau ave loa koutou o fakapopula i muli atu o Tamaso, E pati le Eteleno, leia ko lona igoa ko le Atua o kau tau.

Mikea 2:1

Malaia kia latou ala e fakakaukau ia le agaveli mo teuteu ia le veli i olatou moeaga ! I le mafoata e lotou fai a ia, Mo ka e lotou maua ia le pule i olatou lima.

Mikea 4:10

Taine o Sione, mamae mo tagi ofaipe se fafine leia e fanau ! Talie i le aso nei e ke mavae loa i le kolo, ti e ke nofo loa i faisaga, Ti e ke ano loa o kaku ki Papilone ; I lena e saofaki loa a koe, Ko lena e totogi ai loa a koe e le Eteleno i le lima o ou fili.

Numelo 21:29

Malaia kiate koe, Moape ! Kua ke puli noa, kakai o Kemosi ! Kua sosola ou vosa ! Ti kua popula ou taineliki Kia Sioni, sau o le kau Amole.

Tetelonome 28:18

E malaia loa le fua o lou manava, mo le fua o lou kele, mo le fua o lau kau pipi, mo lau kau ovi, mo lau kau koti.

Tetelonome 28:31

E tamate loa lau pipi tagata i ou mata, ti e leaise ke kai loa ki ai ; e kaia loa lau asino i ou mata, ti e leaise toe fakaliliu atu loa a ia kiate koe ; e soli loa au ovi ki ou fili, ti e leaise maua loa se tasi ke tokoi atu kiate koe.

Tetelonome 28:41

E ke maua ia loa ni vosa mo ni taineliki, ti e leaise lotou nonofo loa mo koe, talie e lotou ano loa o popula.

Tetelonome 28:65

I puleaga ana, e leaise ke fimalie loa ti e leaise ke maua loa se ganea leia ke malolo ai ou alofivae. Kae e tuku loa e le Eteleno kiate koe se loto lulu, mo ni mata gaegae, mo se loto mamae.