Tetelonome 28:16 - Tosi Tapu

¹⁶ E ke malaia loa i le kolo, ti e ke malaia loa i le faisaga.

Tetelonome 28:16 ပူးပေါင်းရင်းမြစ်များ

Senesi 5:29

Ti na soli loa e ia kiate ia le igoa ko Noe, o pati : Ko ia leinei e fakafimalie ia loa tatou i atatou gaoi pakia, talie kua fakamalaia le kele leinei e le Eteleno.

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 17:12

Ti na tali loa le fafine : E mauli le Eteleno, lou Atua ! E leai saku nea kua moso, ti e kau maua fai se ga momoi falina i se ipu ti mo se ga lolo i se fagu. Ti ko leinei, e kau tae ni ga potu fafie e lua, ti kau ano loa ki fale, o teuteui le nea lena kiate au mo loku tama ; e ma kakai loa, ti oki a ia ti e ma mamate loa.

Uluaki tosi o Sau 17:5

Ti na ano loa a Elia o fai ki le folafola a le Eteleno, ti na ano loa a ia o nofo i tafa o le liua o Kelite, leia e aga atu ki le Solotane.

Sopo 24:18

Kolea ! E tafea vave le tagata agaveli i le vai ; E liliu lona nofoaga ko se kele malaia, Ti e leaise toe ano a ia ki faisaga vite i se aso !

Taagapati 3:33

E maua i le fale o le tagata agasala le fakamalaia a le Eteleno, Kae tapuaki a ia ki le fale o tagata agatonu ;

Esaia 43:28

Koia na kau fai ai ki pule o le fale tapu pe ni tagata noa, Ti na kau tuku ai Sakopo ki le maumau, Ti mo Iselaele ki lauveli.

Selemia 14:18

Kapau e kau ano ki faisaga, ko leinei ni tagata na tamate e le seleta ; Kapau e kau ulu ki le kolo, ko leinei ni kakai na mate i le oge ! E ano le polofeta mo le tagata faisakilifisio i le fenua katoa, Kae e leaise lotou iloa pe ano kifea.

Selemia 26:6

Ti e kau tautea loa le fale leinei ofaipe Silo, ti e kau fakaliliu loa le kolo leinei ko se nea fakatupu malaia ki puleaga fuli o le kele.

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Tagi laulau a Selemia 1:1

Kolea ! Kua tonatona toka tasi a ia, Le kolo leia na apiapi ! Kua fai a ia pe se fafine lokonui ! A ia leia na lasi i atu puleaga, a ia leia na fafine aliki i atu puleaga, Kua tuku a ia ki le popula !

Tagi laulau a Selemia 5:10

Kua vevela omatou kili ofaipe se gutuumu, I le makeke o le fia kai.

Soele 1:4

Ko le nea leia na tuku e le lauka, na kai a ia e le seseivaka ; Ko le nea leia na tuku e le seseivaka, na kai a ia e le seleki ; Ko le nea leia na tuku e le seleki, na kai a ia e le asile.

Soele 2:3

E ano se afi kaka i ona mua ; Ti e muli iate ia se ula vevela ; Na fai le fenua i mua pe se oloto o Eteni, Kae talu mei ai, ko se toafa fakaii a ia : E leaise sao se nea iate ia !

Sakalia 5:4

E pati le Eteleno o kau tau : E kau liligi a ia ke ulu ki le fale o le tagata kaia ti mo leia e fakapapau loi i loku suafa, o tupu ke nofo i ai o maumaui a nea fuli o kaku ki papa mo fatu.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Malakia 4:6

E toe aumai loa e ia le loto o tamana ki alatou fanau, Ti mo le loto o fanau ki olatou tamana, Ti ke aua na kau au o taai le fenua ki le malaia.

Tetelonome 28:55

E tuania ia loa e ia le vaevae o le tino o lana fanau mo se tasi o latou, talie ko lana nea kai a ia e tasi. E leaise toe maua e ia se tasi ake nea kai i le temi lena o le tau, o tupu ko le lasi o le fakaaloalofa leia e tuku loa kiate koe e lou fili i kolo fuli ala e ke nofo ai loa.