Tetelonome 28:15 - Tosi Tapu

¹⁵ Kae kapau e leaise ke fakalogo loa ki le leo o le Eteleno, lou Atua, ti kapau e leaise ke tausi loa ti mo fai loa ana folafola fuli mo ana lao fuli ala e kau tuku atu kiate koe i le aso nei, ko nei loa malaia fuli ala e au loa kiate koe o fakaapele a koe :

Tetelonome 28:15 ပူးပေါင်းရင်းမြစ်များ

Senesi 3:14

Na pati loa le Eteleno Atua ki le gata : Talie na ke fai le nea lena, e ke malaia loa o lasi ake i manu lalasi mo manu liliki fuli o le vao, e ke totolo loa i lou manava, ti e ke kai loa le efu i aso fuli o lou mauli.

Senesi 4:11

Koia i le aso nei, e ke malaia ai loa i le kele lena, leia na fakamavaa ia lona gutu o tali mei lou lima le toto o lou taina.

Senesi 4:12

Ka ke gaoi loa ki le kele, e leaise toe soli atu loa e le kele kiate koe lona koloa. E ke sese loa, ti e ke foli noa loa i aluga o le kele.

Lua tosi o Koloniko 12:5

Na ano loa Semaesa, le polofeta, kia Lopoamo mo pule o Suta ala na sosola ki Selusalemi i le fakafeofi mai a Sisake, ti na pati loa Semaesa kia latou : Ko leinei le folafola a le Eteleno : Kua koutou tiaki au ; koia kua kau tiaki ai koutou, ti kua kau tuku ai koutou ki lima o Sisake.

Lua tosi o Koloniko 34:24

Ko leinei le folafola a le Eteleno : Ka kau fakavilo ia loa ni malaia ki le ganea leinei mo lona kakai, a malaia fuli ala e tuu i le tosi leia na lau i mua o le sau o Suta.

Lua tosi o Koloniko 7:19

Kae kapau e kotou maliu kese loa, kapau e kotou tiaki loa aku lao mo aku folafola, ala na kau tosi atu kia koutou, ti kapau e kotou tausi loa ki ni iki ake atua kese, o punou i olatou mua,

Esaia 3:11

Malaia ki le tagata agaveli ! E nofo loa a ia i le veli, Talie e kai loa e ia le fua o ona lima.

Selemia 11:8

Kae na leaise lotou fakalogo, Na leaise tokaga olatou taliga, Na lotou tasi mulimuli ki oli o lolatou loto veli ; Koia na kau fakasoko ai kia latou a kupu fuli o le sai leinei, Leia na kau fakatotonu ke lotou tausi, ti na leaise lotou tausi.

Selemia 26:4

E ke pati loa kia latou : E folafola le Eteleno, o pati : Kapau e leaise kotou fakalogo i le temi leia e kau fakatotonu atu ai kia koutou ke mulimuli i laku lao leia na kau tuku ki okoutou mua,

Selemia 32:23

Na lotou au, ti na lotou maua a ia. Kae na leaise lotou fakalogo ki lou leo, Na leaise lotou taupau lau lao, Na leaise lotou fai a nea fuli ala na ke fakatotonu kia latou ke fai. Koia na ke fakasoko ai kia latou a malaia fuli anei !

Selemia 36:31

E kau tautea loa a ia mo lona sakoga, mo ana kau tagata fakasausau, o tupu ko alatou agaveli, ti e kau aumai loa kia latou, mo le kakai o Selusalemi, mo tagata o Suta, a malaia fuli ala kua kau fakasa kia latou, kae na leaise lotou fia fakalogo kiate au.

Selemia 36:7

E lagi logo loa le Eteleno ki alatou kolekole, ti e lagi tasi tafoki mai loa le tagata mei lona ala veli ; talie kua lasi ai le ita mo le sausau o le Eteleno leia ka to ki le kakai leinei.

Selemia 40:2

Na fakatotonu loa e le pule o tagata leo ke afa mai Selemia kiate ia, ti na pati loa a ia kiate ia : Na fakasa e le Eteleno, lou Atua, a malaia anei ki le ganea leinei.

Tagi laulau a Selemia 2:17

Kua fai e le Eteleno le nea leia na fakatuutuu e ia, Kua fakasoko e ia le folafola leia na fakatuutuu e ia talu mei fualoa, Kua maumaui e ia sala alofa ; Kua fakaliliu e ia a koe ko le fiafiaaga o le fili, Kua lagai e ia le makeke o latou ala e fakamamae ia a koe.

Oseo 7:12

Kapau e lotou ano, e kau fola loa loku kupega kia latou ; E kau laku loa latou ki le kele ofaipe manu lele o le lagi ; E kau tautea loa latou o mulimuli ki le nea leia na fakasa i lalatou fakatasiga.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Kalate 3:10

Talie ko latou fuli ala e pipiki ki gaoi o le lao e nonofo i le malaia ; talie e tosi : Malaia leia e leaise tausi ia a nea fuli ala e tosi i le tosi o le lao, ti e leaise fai ia latou.

Tetelonome 11:28

le malaia, mo kapau e leaise kotou fakalogo loa ki folafola a le Eteleno, lokoutou Atua, ti mo kapau e kotou tiaki loa le ala e kau fakatotonu atu i le aso nei, kae kotou pipiki loa ki ni iki ake atua kese e leaise kotou iloa.

Tetelonome 28:2

Ko nei a tapuakina fuli ala e ifo mai loa kiate koe o fakaapele ia a koe, mo kapau e ke fakalogo loa ki le leo o le Eteleno, lou Atua :

Tetelonome 28:45

E au loa malaia fuli kiate koe, ti e lotou muli loa iate koe, ti e lotou maua loa a koe o kaku ki lou maumaui oki, talie na leaise ke fakalogo loa ki le leo o le Eteleno, lou Atua, o tausi ana folafola mo ana lao ala e soli atu e ia kiate koe.

Tetelonome 29:19

Ke aua na i ai loa se tasi, leia e oki loa lana logo ki folafola o le sai leinei, ti e fia nealasi loa lona loto, o pati : E kau maua loa le tokamalie, logo ai e kau mulimuli loa ki olioli o loku loto, ti e kau fakalasi loa le fia inu ki le kona.

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Tetelonome 5:1

Na fakatasii loa e Moisese a fanau fuli o Iselaele, o pati kia latou : Fakalogo mai, Iselaele, ki lao mo lekula ala e kau fakasa i le aso nei ki lou taliga. Ke kotou ako latou, ti ke kotou tausi latou.

Sosue 23:15

Koia e tatau mo folafola malilie ala na fai kia koutou e le Eteleno, lokoutou Atua, ti na fakasoko fuli e ia kia koutou, e toe fakasoko loa e le Eteleno kia koutou a folafola veveli fuli, o kaku ki lokoutou maumaui loa i le fenua malie lena na soli kia koutou e le Eteleno, lokoutou Atua.

Sosue 23:16

Kapau e kotou maumaui loa le fakapapau leia na tuku e le Eteleno, lokoutou Atua, kia koutou, ti kapau e kotou ano loa o tausi ki ni atua kese mo atolasio kia latou, e vilo loa le sausau o le Eteleno kia koutou, ti e kotou pupuli vave loa i le fenua malie lena na soli e le Eteleno kia koutou.

Tuifakamaau 2:15

I temi fuli ala na lotou ano ai o tau, na fakafesagai loa le lima o le Eteleno kia latou, o fai kia latou se nea veli, o mulimuli ki le nea leia na fakasa e le Eteleno kia latou, o mulimuli ki le nea leia na fakapapau e le Eteleno kia latou. Ti na lotou nonofo loa i se mamae lasi ai.

Uluaki tosi a Samuele 4:10

Na tau loa le kau Filisitini ki Iselaele, ti na lava loa Iselaele. Na tasi sola loa le tagata ki lona falela. Na veli ai le lava, ti na vilo loa i Iselaele le tino tolu afe tagata solia ala na saele lalo.