Tetelonome 27:26 - Tosi Tapu

²⁶ Ke malaia le tagata leia e leaise fakalogo loa ki folafola o le lao leinei, ti e leaise fai ia loa latou ! Ti e pati loa le kakai katoa : Amene !

Tetelonome 27:26 ပူးပေါင်းရင်းမြစ်များ

Lua tosi o Sau 22:13

Kotou ano o afa le finegalo o le Eteleno o uiga mo au, o uiga mo le kakai ti mo Suta katoa, o tupu ko folafola o le tosi leinei kua tou aga o maua ; talie kua lasi ai le itaita o le Eteleno kia tatou, o tupu na leaise fakalogo fua otatou tamana ki folafola o le tosi leinei, ti na leaise lotou aga fua o tausi a nea fuli ala na tosi mai i ai kia tatou.

Esetalasi 7:26

Ko leia e leaise fakalogo vave loa ki le lao a lou Atua mo le lao a le sau, e tautea loa ki le mate, pe ki le kapu mei le fenua, pe ki se tukusau pe ko le pilisoni.

Pesalemo 119:21

E ke valoki le kau fia nealasi, le kau malaia lena, Ala na sese o mamao i au folafola.

Esekiele 18:24

Kapau e maliu le tagata agatonu i lona agatonu o fai le agasala, ti kapau e fai e ia a nea fakalialia fuli a le tagata agasala, pe mauli loa a ia ? Leai, e galoi loa lona faitotonu katoa, talie na fai e ia le agaveli mo le agasala ; ti e mate loa a ia, o tupu ko le nea lena.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Loma 10:5

Koia na fakasa ai e Moisese le faitotonu leia e au mei le lao : Ko le tagata leia e fai ia a nea ana, e mauli loa ia latou.

Uluaki tosi ki le kau Kolinto 16:22

Kapau e leaise alofa se tasi ki le Aliki ko Sesu-Kilisito, ke anateme a ia ! Malanata, au la Aliki.

Lua tosi ki le kau Kolinto 3:9

Talie kapau na kololia ia le gaoi o le fakamalaia, ti e toe fakalaka mamao ake le kololia ia o le gaoi o le faitotonu.

Kalate 3:10

Talie ko latou fuli ala e pipiki ki gaoi o le lao e nonofo i le malaia ; talie e tosi : Malaia leia e leaise tausi ia a nea fuli ala e tosi i le tosi o le lao, ti e leaise fai ia latou.

Tetelonome 27:15

Ke malaia le tagata leia e fai ia loa se fakatata ta, pe ko se fakatata saka, o fakatuu a ia i se ganea fakapulipuli ! Talie e fakalialia le Eteleno ki le nea a ia, ki le nea leia na gaoi e lima o le tagata tufuga. Ti e tali loa le kakai katoa : Amene !