Tetelonome 27:15 - Tosi Tapu

¹⁵ Ke malaia le tagata leia e fai ia loa se fakatata ta, pe ko se fakatata saka, o fakatuu a ia i se ganea fakapulipuli ! Talie e fakalialia le Eteleno ki le nea a ia, ki le nea leia na gaoi e lima o le tagata tufuga. Ti e tali loa le kakai katoa : Amene !

Tetelonome 27:15 ပူးပေါင်းရင်းမြစ်များ

Senesi 31:19

I le temi lena na ano Lapane o koti lana kau manu. Na kaia loa e Lasele a taulaatua o lona tamana.

Senesi 31:34

Kae na too loa e Lasele a atua, o tatao i lalo o le ekeekeaga kamelo ti na tonatona loa a ia i aluga. Na sufe loa e Lapane le falela katoa, kae na leaise maua loa e ia se nea.

Senesi 9:25

Ti na pati loa a ia : Ke Malaia a Kanaane ! Ke liliu a ia ko le nea fakasausau a tagata fakasausau o ona fetaina.

Lua tosi o Sau 17:19

Ti na leaise taupau foki e Suta totonu a folafola a le Eteleno, lona Atua, kae na lotou mulimuli ki agai fenua ala na fakatuu e Iselaele.

Lua tosi o Sau 23:13

Ti na fakakelekele loa e le sau a ganea taualuga ala na tuu i mua o Selusalemi, i le fetuu atamai o le mauga o le malaia, ala na fakatuu e le sau ko Salomone kia Asetalate, le fakatata fakalialia o le kau Sitone, mo Kemosi, le fakatata fakalialia o le kau Moape, ti mo Milekome, le atua fakalialia o vosa o Amone.

Uluaki tosi o Koloniko 16:36

Ke fakafetai ki le Eteleno, le Atua o Iselaele, mei le lee gato ki le lee gato ! Ti ke pati le kakai katoa : Amene ! Kotou fakavikiviki ki le Eteleno !

Lua tosi o Koloniko 33:2

Na fai loa e ia le nea leia e veli ki mata o le Eteleno, o mulimuli ki aga fakalialia a puleaga ala na kapu e le Eteleno i mua o fanau a Iselaele.

Ekesote 20:23

Aua na kotou fai loa ni taulaatua siliva, pe ko ni taulaatua aulo ke kotou fakatatau mo au, o kotou tausi loa kia latou ; aua na kotou fai loa ni taulaatua.

Ekesote 20:4

Aua na ke fai loa kiate koe se fakatata fatu, pe ko se paaki o se nea leia e maua i aluga i le lagi, pe ko se nea leia e maua i lalo i le kele, pe ko se nea leia e maua i le tai leia e taulalo ake i le kele.

Ekesote 34:17

E leaise ke fai loa kiate koe se atua ki se ukamea kua saka.

Esaia 44:13

E fao e le tagata tufuga laakau le va, Ti e fai e ia se fakamailoga ki le peni, Ti e togi e ia le potu laakau ki le siso, Ti e fakamomole e ia ona koga fakalikiliki ki le kili ; Ti e fai e ia ni mata o se tagata, Se paaki fulumalie o se tagata, O tupu ke nofo a ia i se fale.

Esaia 44:17

Kae e fai e ia ki le toe o le laakau se atua, lona taulaatua. E punou a ia i ona mua, e atolasio a ia ki ai, e faikole a ia ki ai, Ti e kalaga a ia ki ai : Fakamauli au ! Talie ko koe ko loku atua !

Esaia 44:19

E leaise fakakaukau a ia, Ti e leaise maua e ia se atamai, pe ko le manatu poto fua ke pati : Na kau tafu le afi ki le koga o le laakau leinei, Na kau fakamoso se nea kai i malala kaka, Na kau tunu i ai se inati ti na kau kai a ia ; Ti e kau fai loa ki le toe o le potu laakau se nea fakalialia ! E kau punou loa i mua o se potu laakau !

Selemia 11:3

Pati kia latou : E folafola le Eteleno, le Atua o Iselaele, Malaia le tagata leia e leaise fakalogo ki folafola o le sai leinei,

Selemia 11:5

Ti e kau fakasoko loa le fakapapau leia na kau fai ki okoutou tamana, Ke soli kia latou se fenua leia e tafe ai le sua u mo le meli, Ofaipe le nea leia e kotou tio ki ai i le aso nei. Ti na kau tali loa : Amene, Eteleno !

Selemia 23:24

Pe tuu loa se tasi i se ganea munia, Kae leaise kau tio kiate ia ? e pati le Eteleno. Pe leaise kau fakaapele ia a atu lagi mo le kele ? e pati le Eteleno.

Selemia 28:6

Na pati loa Selemia, le polofeta : Amene ! Ke fai fenaaki e le Eteleno ! Ke fakamaoki e le Eteleno a folafola ala kua ke fakasa, ti ke toe fakaliliu mai e ia mei Papilone ki le ganea leinei a ipu o le fale o le Eteleno mo le kau popula katoa !

Esekiele 14:4

Koia ke ke masau kia latou, ti ke pati kia latou : E folafola le Aliki, le Eteleno, o pati : Ko tagata fuli o le fale o Iselaele e amo ia ona taulaatua i lona loto, ti e pipiki ona mata ki le nea leia na fakavilo ia a ia ki lana agaveli, - kapau e au a ia o masau ki le polofeta, - ko au, le Eteleno, e kau tali loa kiate ia, logo ai le lasi o ona taulaatua,

Esekiele 7:20

Na lotou nekenekea i olatou koloa fulumalilie, Ti na lotou fai ki ai olatou fakatata fakalialia, mo olatou taulaatua. Koia e kau fakaliliu ai loa olatou koloa ko se nea fakalialia kia latou.

Taniela 11:31

E au loa ni solia i lana fakatotonu ; ti e lotou fakakelekele loa le fale tapu, mo le kolo tau, ti e lotou taofi loa le failaulau o aso taki tasi, ti e lotou fakatuu loa ki le aletale le fakatata fakalialia o le tagata maumau.

Taniela 9:11

Kua maumaui e Iselaele katoa lau lao, ti kua lotou mafuli kese talie ke aua na lotou fakalogo ki lou leo. Koia kua liligi ai kia matou a malaia ala na tosi i le lao a Moisese, le tagata fakasausau a le Atua, talie kua motou agasala ki le Atua.

Levitiko 19:4

Aua na kotou tafoki loa ki ni taulaatua loi, ti aua na kotou fai loa ni atua ki se ukamea saka. Ko au ko le Eteleno, ko lokoutou Atua.

Levitiko 26:1

Aua na kotou fai loa ni taulaatua loi, aua na kotou fakatuu loa kia koutou ni fakatata togi, ti aua na kotou fakatuu loa i lokoutou fenua se fakatata fatu, ke kotou punou loa i ona mua ; talie ko au ko le Eteleno, ko lokoutou Atua.

Numelo 5:22

ti ke ulu ki ou tootooga le vai leinei e tuku ia loa kiate koe le malaia, o fakakita ia loa lou manava mo fakamalo ia loa lou tega ! Ti e pati loa le fafine : Amene ! Amene !

Mateo 24:15

Koia ka kotou tio loa kua tuu i le potu taputapu leia e igoa ko le fakalialia o le malaia, leia na pati ki ai le polofeta ko Taniela, ke tokaga loa leia e lautosi !

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Uluaki tosi ki le kau Kolinto 14:16

Talie kapau e ke fakafetai fai i le laumalie, pe feaki loa ke tali mai leia e fakalogo : Amene ! mo kapau e leaise iloa e ia le nea leia e ke fakasa ia ?

Tetelonome 27:14

Ti e masau loa le kau Levi, o pati leo lasi ki Iselaele katoa :

Tetelonome 29:17

Na kotou tio ki taulaatua fakalialia fuli ala e atolasio ki ai a puleaga ana, ko ni atua ala e fau ki laakau mo fatu, ti e teuteu ki le paaga mo le aulo.

Tetelonome 4:25

Ka kotou nonofo loa i le fenua o le fakapapau o fualoa, ti ka kotou maua loa ni fanau mo ni makopuna, ti kapau e kotou vilo loa ki le agasala, o fai loa ni fakatata ta, pe ko ni fakatata paaki, pe ko ni nea ala e veli ki le Eteleno lokoutou Atua, ke tupu ai lona sausau,

Tetelonome 5:8

Ke aua na ke fai ia loa se fakatata, pe ko se paaki o se nea fua e tasi i nea ala e maua i aluga i le lagi, mo aluga o le kele, mo le vai o taulalo ake i le kele.

Tetelonome 7:25

Ke kotou tutu loa i le afi a fakatata o olatou atua. Ke aua na ke manumanu loa ki le paaga, mo le aulo o puleaga ana, ti ke aua na ke too loa a nea ana ma au, o tupu na liliu loa a nea ana kiate koe ko se masele ; talie e fakalialia ki ai le Eteleno, lou Atua.

Tuifakamaau 17:3

Na liufaki loa e Mika ki lona tinana a fa sikele e afe tasi mo le kau lelau e tasi ; ti na pati loa lona tinana : E kau loto ke fakatapui le paaga leinei ki le Eteleno, o tupu ke fai ki ai se fakatata kua ta mo se fakatata kua saka ki loku vosa : Ko leinei, e kau toe tuku atu loa a ia kiate koe.

Tuifakamaau 17:4

Na toe tuku loa e ia ki lona tinana le paaga. Na too loa e lona tinana a fa sikele paaga e kau lelau lua. Ti na tuku loa e ia le paaga ki le tagata saka ukamea, leia na fai ia loa ki ai se fakatata ta mo se fakatata ukamea saka. Na fakatuu loa laua i le fale o Mika.

Uluaki tosi a Samuele 26:19

Ke fakamalie le sau, loku aliki, o fakalogo mai ki le masau a lana tagata fakasausau : Kapau ko le Eteleno leia kua lagai ia a koe ke tau kiate au, ke tali malie e ia le kaloni o se moliga ; kae kapau ko ni tagata, ke lotou malaia i mua o le Eteleno, talie e lotou kapu au i le aso nei, ke aua na kau kau ki le tofiga o le Eteleno, ti e lotou pati mai kiate au : Ano, o tausi ki ni atua kese !