Tetelonome 26:7 - Tosi Tapu

⁷ Na motou kalaga loa ki le Eteleno, le Atua o omatou tamana. Na logo loa le Eteleno ki omatou leo ti na tio loa a ia ki lomatou fakavelivelii, mo lomatou pakia, mo lomatou fakaaloalofa.

Tetelonome 26:7 ပူးပေါင်းရင်းမြစ်များ

Senesi 21:17

Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai.

Senesi 29:32

Na tinae loa a Lea, ti na fanaui loa e ia se tama, o fakaigoa loa e ia ko Lupeni, talie na pati loa a ia : Kua tio le Eteleno ki loku fakataulaloi. I le aso nei e alofa loa loku avaga kiate au.

Lua tosi a Samuele 16:12

E lagi tio loa le Eteleno ki loku fakaaloalofa, ti e fai loa e ia kiate au le nea e malie o fetogi ai loku fakamalaia i le aso nei.

Pesalemo 119:132

Fulusi mai ou mata kiate au, ti alofa mai kiate au, O mulimuli ki lau agamasani kia latou ala e alofa ki lou suafa !

Pesalemo 31:8

E kau fiafia loa mo nekenekea loa i lou kalasia : Talie e ke tio ki loku mamae, e ke iloa a i o loku loto,

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Ekesote 2:23

Na sili loa ki ai se temi fualoa ai, ti na mate loa le sau o Esipito. Na fetagisi fanau a Iselaele i le mamafa o le popula, ti na lotou kalaga ki le Atua. Na kaku loa ki le Atua alatou tagi i le lasi o lolatou mamae.

Ekesote 2:25

Na tio loa le Atua ki fanau a Iselaele, ti na aloalofa loa a ia kia latou.

Ekesote 3:9

Ko leinei, kua kaku mai a tagi a Iselaele kiate au, ti kua kau tio ki lolatou fakavelivelii e le kau Esipito.

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Ekesote 6:5

Kua kau logo ki tagi a fanau a Iselaele, ala e taomi e le kau Esipito i le popula, ti kua kau manatui loa laku fakapapau.

Selemia 33:2

E folafola le Eteleno, leia e fai ia a nea ana, Le Eteleno, leia e fakakaukau ia latou ti e fakasoko ia latou, Leia e igoa ko le Eteleno :

Uluaki tosi a Samuele 9:16

I apogipogi, i le ola leinei, e kau kakau atu loa kiate koe se tagata o Pesamino, ti e ke takai loa a ia ki le lolo ke fakanofo a ia ko le pule o loku kakai ko Iselaele. E saofaki loa e ia loku kakai i le lima o le kau Filisitini ; talie kua kau tio ki loku kakai, ti kua kaku mai lana tagi kiate au.