Tetelonome 26:19 - Tosi Tapu

¹⁹ o tupu ke soli atu loa e ia kiate koe, i aluga o puleaga fuli ala na fakatupu e ia, le tuulaga uluaki i le kololia, mo le igoa, mo le mamalu, ti ke ke liliu loa ko se kakai maokioki ki le Eteleno, lou Atua, o mulimuli ki lana folafola.

Tetelonome 26:19 ပူးပေါင်းရင်းမြစ်များ

Pesalemo 148:14

Na toe lagai e ia le makeke o lona kakai : Koia e fakafetai ai kiate ia lona kakai agatonu katoa, A fanau a Iselaele, le kakai leia e nofo i ona tafa. Kotou fakafetai ki le Eteleno !

Ekesote 19:5

I le aso nei, kapau e kotou fakalogo ki loku leo, ti kapau e kotou tausi laku fakapapau, e kotou liliu loa kiate au ko se kakai leia e mauiga kese ake i kakai fuli. Talie ko le malama nei katoa a aku,

Ekesote 19:6

e kotou liliu loa kiate au ko se puleaga o tagata faisakilifisio, ko se puleaga maokioki ke tausi kiate au. Ke ke fakasa a masau ana ki fanau a Iselaele.

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Selemia 13:11

Talie e faipe le nonoa o le kilipipi i vakavaka o se tagata, Na kau sai foki kiate au le fale katoa o Iselaele Ti mo le fale katoa o Suta, e pati le Eteleno, O tupu ke la liliu ko loku kakai, Mo loku igoa, mo loku fakavikiviki, ti mo loku kololia. Kae na leaise la fakalogo fua kiate au.

Selemia 2:3

Na fakatapu Iselaele ki le Eteleno Na liliu a ia ko uluaki fua o lona tupu. Ko latou fuli ala na kai kiate ia na agasala, Ti na vilo le malaia kia latou, e pati le Eteleno.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Sofoni 3:19

Ko leinei, i le aso lena, e kau gaoi loa kia latou ala na fakamamae ia a koe ; E kau saofaki loa le kau kito, ti e kau fakatalitali loa latou ala na kapu, E kau fakaliliu loa latou ko se tupuaga o le fakavikiviki mo le fakakololia I fenua fuli ala na lotou luma ai.

Sofoni 3:20

I le aso lena, e kau toe aumai loa koutou ; I le aso lena, e kau fakatasi loa koutou ; Talie e kau fakaliliu loa koutou ko se tupuaga o le fakavikiviki mo le kololia I lotolotoga o kakai fuli o le malama nei, Mo ka kau toe aumai loa lokoutou kau popula i mua o okoutou mata, E pati le Eteleno.

Sakalia 8:13

Fale o Suta, fale o Iselaele, ofaipe lokoulua liliu ki atu puleaga ko ni nea fakatupu malaia i mua, koia e kau saofaki ai loa koulua ti e kolua liliu loa ko se tapuakina. Aua na kolua i, kae ke kolua fakamakeke okoulua lima !

Tetelonome 27:1

Na tuku loa e Moisese mo le kau fakamatuatua o Iselaele le fakatotonu leinei ki le kakai : ke kotou tausi a folafola fuli ala e kau tuku atu kia koutou i le aso nei.

Tetelonome 28:1

Kapau e ke fakalogo loa ki le leo o le Eteleno, lou Atua, o tausi ti mo fai ana folafola fuli ala e kau tuku atu kiate koe i le aso nei, e soli loa e le Eteleno, lou Atua, kiate koe le tuulaga uluaki i puleaga fuli o le kele.

Tetelonome 28:13

E fakaliliu loa a koe e le Eteleno ko le ulu kae e leaise ko le siku. E ke nofo tuumau loa i aluga, kae e leaise ke nofo loa i se aso i lalo, mo kapau e ke fakalogo ki folafola a le Eteleno, lou Atua, ala e kau tuku atu kiate koe i le aso nei, mo kapau e ke tausi loa latou ti mo ke fai loa latou,

Tetelonome 28:9

E fakanofo loa a koe e le Eteleno ko se kakai maokioki kiate ia, o fai ki le nea leia na fakapapau atu e ia kiate koe, mo ka ke tausi loa a folafola a le Eteleno, lou Atua, ti mo ke saele loa i ona ala.

Tetelonome 7:6

Talie ko se kakai a koe leia kua fakatapui ki le Eteleno, lou Atua. Ti kua filifili a koe e le Eteleno, lou Atua, ke ke liliu ko se kakai alofaina kiate ia, i kakai fuli ala e maua i aluga o le kele.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,