Tetelonome 26:17 - Tosi Tapu

¹⁷ I le aso nei, na ke maua loa mei le Eteleno le fakapapau leia ke nofo a ia ko lou Atua, o tupu ke ke saele loa i ona ala, ti mo ke tausi loa ana lao, mo ana folafola, mo ana lekula, ti mo ke fakalogo loa ki lona leo.

Tetelonome 26:17 ပူးပေါင်းရင်းမြစ်များ

Senesi 28:21

ti kapau e kau toe liliu i le tokamalie ki le fale o loku tamana, ti e liliu loa le Eteleno ko loku Atua.

Lua tosi o Koloniko 34:31

Na tuu loa le sau i lona tuuaga ti na fai loa e ia se sai i mua o le Eteleno, o fakapapau a ia ke mulimuli i le Eteleno ti mo tausi ana fakatotonu, mo ana pelesepeto, mo ana lao, i lona loto katoa mo lona laumalie katoa, o tupu ke fai ai a folafola o le sai, ala e tuu i le tosi.

Pesalemo 48:14

Ke kotou tio ki lona kaua, Ke kotou tokaga ki ona fale lalasi, O tupu ke kotou fakamatala a ia ki le tautupu muli.

Ekesote 15:2

Ko le Eteleno ko loku makeke ti ko le tupuaga a ia o aku fakavikiviki ; Ko ia leia na saofaki ia au. Ko ia ko loku Atua : e kau fakavikiviki loa kiate ia ; Ko ia ko le Atua o loku tamana : e kau fakasa loa lona mauiga.

Ekesote 19:8

Na tali loa le kakai katoa : E motou fai loa a nea fuli ala kua pati ki ai le Eteleno. Ti na ave loa e Moisese a masau ana ki le Eteleno.

Ekesote 20:19

Na lotou pati loa kia Moisese : Masau mai fua a koe totonu kia matou, ti e motou fakalogo atu loa ; kae ke aua na masau mai le Atua totonu kia matou, talie ke aua na motou mamate.

Ekesote 24:7

Na too loa e ia le tosi o le sai o lau i mua o le kakai ; ti na lotou pati loa : E motou fai loa a nea fuli ala kua pati ki ai le Eteleno, ti e motou fakalogo loa ki ana folafola.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 44:5

E pati loa le tasi : Ko au a le Eteleno ; E loto loa le tasi ki le igoa o Sakopo ; E tosi loa e le tasi ake ki lona lima : ki le Eteleno ! Ti e puaki loa e ia i le alofa le igoa o Iselaele.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Gaoi 27:23

Talie na fakafeofi mai kiate au i le po leinei se aselo o le Atua, leia e kau fakalogo mo tausi ki ai,

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Lua tosi ki le kau Kolinto 8:5

Ti na leaise gato fua i lalatou kau ki ai ofaipe lama amanaki malie ki ai, kae na lotou soli mua latou totonu ki le Aliki, ti oki kia maua, i le finegalo o le Atua.

Tetelonome 13:18

mo kapau e ke fakalogo ki le leo o le Eteleno, lou Atua, o tausi ana folafola fuli ala e kau tuku atu kiate koe i le aso nei, ti mo fai le nea leia e malie ki mata o le Eteleno, lou Atua.

Tetelonome 15:5

koleia fua, ke ke fakalogo loa ki le leo o le Eteleno, lou Atua, o tausi ti mo fai ana folafola katoa ala e kau tuku kiate koe i le aso nei.

Tetelonome 27:10

E ke fakalogo loa ki le leo o le Eteleno, lou Atua, ti e ke fai loa ana folafola mo ana lao ala e kau tuku kiate koe i le aso nei.

Tetelonome 29:12

E fai loa e le Eteleno, lou Atua, se sai mo koe i le aso nei, ti e fakaafe loa e ia a koe ke ke fakamaoki a ia ki sau fakapapau fakaalialiki,

Tetelonome 30:16

talie e kau fakatotonu atu kiate koe i le aso nei ke ke alofa ki le Eteleno, lou Atua, o saele i ona ala, ti mo tausi ana folafola, mo ana lao, mo ana lekula, o tupu ke ke mauli ti mo ke liuliuga, ti ke tapuakii a koe e le Eteleno, lou Atua, i le fenua leia e ke ulu loa ki ai o maua tofiga.

Sosue 22:5

Ke kotou tokaga fua o tausi ti mo fai a fakatotonu mo lao ala na tuku atu kia koutou e Moisese, tagata fakasausau a le Eteleno. Kotou alofa ki le Eteleno, lokoutou Atua, kotou saele i ona ala fuli, kotou tausi ana folafola, kotou pipiki kiate ia, ti kotou tausi kiate ia i lokoutou loto katoa mo lokoutou laumalie katoa.

Sosue 24:22

Na pati loa Sosue ki le kakai : E kotou fakamaoki kia koutou totonu ko koutou ala na filifili ia le Eteleno ke tausi kiate ia. Ti na lotou tali loa : E motou fakamaoki !