Tetelonome 26:16 - Tosi Tapu

¹⁶ I le aso nei, e fakatotonu loa e le Eteleno, lou Atua, kiate koe, ke ke fai loa a lekula mo lao ana ; ke ke tausi loa latou ti mo ke fai loa latou i lou mauli i lou loto katoa mo lou laumalie katoa.

Tetelonome 26:16 ပူးပေါင်းရင်းမြစ်များ

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Soane 14:15

Kapau e kotou alofa kiate au, kotou fai aku fakatotonu.

Tetelonome 10:12

I le aso nei, Iselaele, kolea le nea leia e kole atu kiate koe e le Eteleno, lou Atua ? Ke ke i ki le Eteleno, lou Atua, o saele i ona ala fuli, o alofa mo tausi ki le Eteleno, lou Atua, i lou loto katoa mo lou laumalie katoa.

Tetelonome 11:1

Ke ke alofa ki le Eteleno, lou Atua, ke ke tausi tuumau ana lao, mo ana lekula, mo ana folafola.

Tetelonome 11:8

Koia, ke kotou fai loa a folafola fuli ala e kau tuku atu kia koutou i le aso nei, o tupu ke kotou maua le makeke leia e aoga ki le too o le fenua leia e kotou ulu loa ki ai,

Tetelonome 12:1

Ko nei a lekula mo lao ala e kotou tausi loa ti mo fai loa i le fenua leia e soli kia koutou e le Eteleno, le Atua o okoutou tamana, ke kotou maua tofiga.

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Tetelonome 26:17

I le aso nei, na ke maua loa mei le Eteleno le fakapapau leia ke nofo a ia ko lou Atua, o tupu ke ke saele loa i ona ala, ti mo ke tausi loa ana lao, mo ana folafola, mo ana lekula, ti mo ke fakalogo loa ki lona leo.

Tetelonome 4:29

I lena foki, e ke toe afa loa le Eteleno, lou Atua ; ti e ke maua loa a ia, mo kapau e ke afa loa a ia i lou loto katoa mo lou laumalie katoa.

Tetelonome 6:1

Ko nei a folafola, mo lao, mo lekula ala na fakatotonu e le Eteleno, lokoutou Atua ke ako atu kia koutou, o tupu ke kotou tausi latou i le fenua leia ka kotou ulu loa ki ai o maua tofiga,

Tetelonome 6:17

Kae ke kotou tausi malie loa a folafola a le Eteleno, lokoutou Atua, mo lao mo lekula ala na fakatotonu atu e ia kia koutou.

Tetelonome 6:5

Ke ke alofa loa ki le Eteleno, lou Atua, i lou loto katoa, mo lou laumalie katoa, mo lou makeke katoa.

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.