Tetelonome 26:10 - Tosi Tapu

¹⁰ Koia i le aso nei e kau aumai ai kiate koe, Eteleno, a uluaki fua o le kele leia na ke soli mai kiate au ! E ke tuku loa a nea ana i mua o le Eteleno, lou Atua, ti e ke punou loa i mua o le Eteleno, lou Atua.

Tetelonome 26:10 ပူးပေါင်းရင်းမြစ်များ

Uluaki tosi o Koloniko 29:14

Talie ko ai au ti ko ai loku kakai, ke mafai ai lamatou momoli atu kiate koe a nea alofa anei ? E au nea fuli meiate koe, ti e motou tali mei lou lima a nea fuli ala e motou momoli atu kiate koe.

Pesalemo 22:27

E kai loa le kau mativa ti e lotou makokona loa, Ko latou ala e afa ia le Eteleno e fakafetai loa kiate ia. Ke mauli okoutou laumalie o lee gato !

Pesalemo 22:29

Talie maua e le Eteleno le pule : E pule a ia ki atu puleaga.

Pesalemo 86:9

Ei Aliki, e au loa a atu puleaga fuli ala na ke fakatupu O punou i ou mua, ti mo fakakololia ki lou suafa.

Pesalemo 95:6

Kotou au, tou punou, ti tou fakataulalo i ona mua, Tou peluki otatou tuli i mua o le Eteleno, lotatou tupuaga !

Ekesote 22:29

Aua na ke toe fakatoloi ia loa le momoli mai o uluaki fua o lau fulumeto pe ko lau vite. E ke soli mai loa kiate au le uluaki o ou vosa.

Ekesote 23:19

E ke aumai loa ki le fale o le Eteleno, lou Atua, a uluaki fua o le kele. Aua na ke fakamoso loa se uviki koti i le sua manu o lona tinana.

Taagapati 10:22

Ko le tapuakina a le Eteleno leia e fakamoukoloa, Ti e leaise mulimuli i ai se mamae.

Taagapati 3:9

Fakamauiga le Eteleno ki au nea malilie, Ti mo uluaki fua o nea fuli o lau gaoi :

Esaia 66:23

I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Loma 2:1

Ei tagata, ko ai a koe, a koe leia e fakamaau, e leaise ke sao loa ; talie, i lau fakamaaui ala ake, e ke fakamaaui a koe totonu, talie ko koe leia e fakamaaui e toe fai ia a nea ana.

Uluaki tosi ki le kau Kolinto 10:31

Koia ka kotou kai ai, pe kotou inu, pe kotou fai se nea fua, kotou fai a nea fuli ke fakakololia ai le Atua.

Tetelonome 18:4

E soli loa kiate ia a uluaki fua o lau fulumeto, mo lau vino foou, mo lau lolo, mo fului manu o lau kau manu liliki ;

Tetelonome 26:17

I le aso nei, na ke maua loa mei le Eteleno le fakapapau leia ke nofo a ia ko lou Atua, o tupu ke ke saele loa i ona ala, ti mo ke tausi loa ana lao, mo ana folafola, mo ana lekula, ti mo ke fakalogo loa ki lona leo.

Tetelonome 26:2

e ke too loa ni uluaki fua mei fua fuli ala e ke maua loa mei lou kele i le fenua leia e soli atu loa kiate koe e le Eteleno, lou Atua. E ke tanaki loa latou ki se kete ti e ke ano loa ki le ganea leia e filifili loa e le Eteleno, lou Atua, ke fakanofo ai lona suafa.

Tetelonome 26:4

E too loa e le tagata faisakilifisio le kete mei ou lima, ti e tuku loa e ia a ia ki mua o le aletale o le Eteleno, lou Atua.

Tetelonome 8:18

Ke ke manatui le Eteleno, lou Atua, talie ko ia leia e soli ia loa kiate koe le makeke ke fakatupu ai a koloa ana, o tupu ke fakamaoki ai, ofaipe lana fai i le aso nei, lana fakapapau leia na fai ki ou tamana.

Apokalipisi 22:9

Kae na pati mai loa a ia kiate au : Aua na fai le nea a ia ! Ko se tagata fakasausau au ofaipe koe, mo ou fetaina ko le kau polofeta, ti mo latou fuli ala e tausi ia a folafola o le tosi leinei. Atolasio ki le Atua.