Tetelonome 24:22 - Tosi Tapu

²² Ke ke manatui loa na ke nofo popula i le fenua o Esipito : Koia e kau tuku atu ai kiate koe a fakatotonu ana ke ke fai.

Tetelonome 24:22 ပူးပေါင်းရင်းမြစ်များ

Esaia 51:1

Kotou fakalogo mai kiate au, koutou ala e mulimuli i le faitotonu, Ala e afa ia le Eteleno ! Kotou tio ki le utu leia na ta koutou mei ai, Ki le mavaa o le popoko leia na too koutou mei ai.

Tetelonome 24:18

Ke ke manatui loa na ke nofo popula i Esipito, ti na saofaki a koe e le Eteleno, lou Atua ; koia e kau tuku atu ai kiate koe a fakatotonu ana ke ke fai.

Tetelonome 24:21

Ka ke tau loa a fua o lou vite, ke aua na ke toe tanaki loa le nea leia e toe : E ke tuku loa a ia ki le matapule, mo le fanau leia e sala tamana, mo le fafine leia e sala avaga.

Tetelonome 25:1

Ka fefele loa ni tagata, ti na la ano loa ki mua o le fakamaau ke fakamaaui laua e le tui fakamaau, e fakamatatonu loa leia e mea, kae fakatuaa loa leia e sala.

Tetelonome 7:8

Kae na alofa le Eteleno kia koutou, ti na fakasoko e ia le fakapapau leia na fai e ia ki okoutou tamana. Koia na fakamavae ai koutou e le Eteleno ki lona lima makeke, ti na fakalauatea ai koutou e ia mei le popula, meia Falaone, sau o Esipito.