Tetelonome 24:1 - Tosi Tapu

¹ Kapau na too loa e se tagata se fafine o avaga mo ia, ti soko loa kua puli le alofa o le tagata ki le fafine, talie na maua loa e le tagata i lona avaga se nea fakalumaluma : E fai loa e le tagata se tosi mavete o tuku ki lima o le fafine, ti e kakau loa e ia le fafine ke mavae i lona kaiga.

Tetelonome 24:1 ပူးပေါင်းရင်းမြစ်များ

Ekesote 21:10

Kapau e toe too loa e ia se tasi ake fafine, e leaise toe too loa e ia se nea i le uluaki fafine, tatau fai le nea kai, mo le nea lava, mo le maua fakataumatua.

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:8

Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Malakia 2:16

Talie e kau vesia ki le kapu o le avaga, E pati le Eteleno, le Atua o Iselaele, Ti mo leia e uufi ia le agamakeke ki lona kofu, E pati le Eteleno o kau tau : Kotou tokaga ki okoutou laumalie, Ti ke aua na kotou agatuu !

Numelo 5:12

Masau ki fanau a Iselaele, ti ke pati loa kia latou : kapau e maliu kese se fafine mei lona avaga, o fai e ia se agatuu kiate ia ;

Numelo 5:28

Kae kapau na leaise fakakelekele le fafine kae na mea malie a ia, ti e sao loa a ia i le malaia, ti e feala loa ke toe maua e le fafine ni ana fanau.

Mateo 1:19

Ko Sosefo, lona avaga, ko se tagata malie mo agatonu, ti na leaise fia fakamatagafua e ia a Malia, koia na fakatotonu ai loa e ia ke veteki fakafufu lala fakatasi.

Luka 16:18

Ko le tagata leia e kapu ia lona avaga kae toe avaga a ia mo se tasi ake fafine e tono a ia mo le fafine lena, ti ko le tagata leia e avaga mo se fafine leia na kapu e lona avaga e tono a ia mo le fafine lena.

Tetelonome 21:15

Kapau e maua loa e se tagata ni avaga e lua, ti e alofa loa a ia ki se tasi fafine o lasi ake i leia ake fafine, ti kapau e maua loa e ia ni vosa, ti ko le uluaki ko le vosa a ia o le fafine leia e leaise alofa a ia ki ai,

Tetelonome 22:13

Kapau na too loa e se tagata se fafine, ti na ano loa a ia kiate ia, ti na vesia loa a ia kiate ia ki muli,

Tetelonome 22:19

talie na tuku e ia se veli ki se taine o Iselaele, e lotou teki loa kiate ia se tua ko ni fa sikele paaga e kau lelau ke totogi ki le tamana o le fafine. Ti e nofo loa le fafine ko lona avaga, ti e leaise mafai loa ke kakau e ia le fafine ki lona kaiga, i le lolotoga o lona mauli katoa.

Tetelonome 22:29

e soli loa e le tagata leia na momoe mo le taine ki le tamana o le taine ni fa sikele paaga e kau lima ; talie na maumaui e ia le matagafua o le taine, e avaga loa a ia mo le taine, ti e leaise feala loa ke kakau e ia le fafine ki lona kaiga i lona mauli katoa.

Tetelonome 24:2

E mavae loa a ia i le kaiga o le tagata, o ano loa, ti e feala loa ke toe liliu a ia ko le avaga a se tasi ake tagata.

Tetelonome 24:3

Kapau e vesia loa le tagata fakamuli leinei kiate ia, ti e toe fai loa e ia se tosi mavete, o tuku loa ki lima o le fafine ti kakau loa e ia le fafine ke mavae i lona kaiga, pe mate loa le tagata fakamuli leinei na toe avaga mo le fafine,