Tetelonome 23:18 - Tosi Tapu

¹⁸ Ke aua na ke ave loa ki le fale o le Eteleno, lou Atua, le totogi o se fafine faiaga pe ko le totogi o se tagata faiaga, ke fakasoko ai se fakapapau ; talie e fakalialia le Eteleno, lou Atua, ki leia mo leia.

Tetelonome 23:18 ပူးပေါင်းရင်းမြစ်များ

Uluaki tosi o Sau 14:24

Na i ai foki ni tagata faiaga i le fenua. Na lotou fai o fakatautau ki nea fakalialia fuli o puleaga ala na kapu e le Eteleno i mua o fanau a Iselaele.

Pesalemo 22:16

E malo loku makeke ofaipe le kele kula, Ti e pipiki loku alelo ki loku gutu ; E ke tuku au ki le efu o le mate.

Taagapati 26:11

Ofaipe se kuli leia e toe liliu ki le nea leia na luluai e ia, E fenaaki le vale leia e toe liliu ki lona valea.

Esaia 61:8

Talie ko au, le Eteleno, e kau alofa ki le faitotonu, E kau vesia ki le kaia mo le agaveli ; E kau soli loa kia latou lolatou fakapale totonu, Ti e kau fai loa mo latou se sai lee gato.

Esekiele 16:33

E tuku se totogi ki fafine faiaga fuli, kae ko koe, na ke soli ni nea alofa ki au kau mamana fuli, ti na ke totogi latou ke lotou au kiate koe i potu fuli, o faiaga mo koe.

Levitiko 18:22

Aua na ke momoe loa mo se tagata ofaipe le momoe mo se fafine ; ko se nea fakalialia a ia.

Levitiko 19:29

Aua na ke fakamatagafua loa lou taine o soli a ia ke faiaga fakalotu, talie e feala loa ke vilo le fenua ki le faiaga, ti ke apele a ia i aga fakalialia.

Levitiko 20:13

Kapau e momoe loa se tagata mo se tasi tagata ofaipe le momoe mo se fafine, kua la fai loa se agasala fakalialia ; e tautea loa laua ki le mate. E vilo loa ola toto kia laua.

Levitiko 7:16

Ti kapau e fai e se tasi se sakilifisio fakafetai ki le soko o se fakaamu pe i lona loto malie, e kai loa le vikitima i le aso leia e momoli ai loa e ia a ia, ti e kai loa le nea leia e toe loa i leia ake aso.

Mikea 1:7

E fatifatii loa ona fakatata togi fuli, E tutu loa i le afi ona totogi kelekele fuli, Ti e kau maumaui loa ona taulaatua fuli, Ala na maua ki le totogi o le faiaga, E lotou liliu loa ko se totogi o le faiaga…

Apakuki 1:13

E mea ai ou mata ke tio ki le veli, Ti e leaise feala ke ke tio ki le agaveli. Kolea e ke tio ai loa ki le kau agatuu, ti ke fakaleemu loa, Kae lolotoga kai e le tagata agaveli leia e agatonu ake iate ia ?

Malakia 1:14

Malaia le tagata kaka leia e maua ia i lana kau manu se manu tagata, Kae e soli e ia ke momoli ki le Aliki se manu kala ! Talie ko au ko se sau lasi, e pati le Eteleno o kau tau, Ti e fakaii loku suafa i lotolotoga o atu puleaga.

Mateo 7:6

Aua na kotou soli a nea tapu ki kuli, ti aua na kotou laku akoutou fuai kasoa ki mua o puaka, talie ke aua na lotou takatakafi loa latou ki olatou vae, ti ke aua na lotou mafuli mai loa, o sae koutou.

Tetelonome 12:6

Ko lena loa le ganea leia e tonu ke kotou momoli ai loa akoutou failaulau, mo akoutou sakilifisio, mo akoutou vaega kau agafulu, mo akoutou moliga alofa, mo akoutou moliga ki ni fakapapau, mo manu uluaki o akoutou kau manu lalasi mo akoutou kau manu liliki.

Tetelonome 22:21

ti e ave loa le fafine ki mua o le matapa o le fale o lona tama ; ti e tuki fatui loa a ia e le kakai o lona kolo. E mate loa a ia, talie na fai e ia se nea fakalumaluma i Iselaele, o momoe a ia mo se tagata i le fale o lona tamana. E ke too loa i ai le veli i loto malie o Iselaele.

Tetelonome 23:21

Kapau e ke fai loa se fakapapau ki le Eteleno, lou Atua, ti ke aua na ke tuvai loa i lona fai ; talie e afa atu loa e le Eteleno, lou Atua, a ia kiate koe, ti e ke maua ia loa se agasala.

Filipe 3:2

Kotou tokaga ki kuli, kotou tokaga ki tagata gaoi veveli, kotou tokaga ki le kau silikosisio loi.

Lua tosi a Petelo 2:22

Kua soko kia latou le nea leia e pati ki ai le taagapati maoki : Kua toe liliu le kuli ki le nea leia na luluai e ia, ti kua toe uku ki le pela le tigamanu leia kua mea.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !