Tetelonome 23:14 - Tosi Tapu

¹⁴ Talie e saele le Eteleno, lou Atua, i loto malie o lou nofolaga solia, o puipui a koe mo saofaki a koe mei ou fili. Koia e tonu ai ke mea lou nofolaga solia, ke aua na tio loa le Eteleno ki se nea fakalialia i lou nofolaga ti ke maliu kese loa a ia meiate koe.

Tetelonome 23:14 ပူးပေါင်းရင်းမြစ်များ

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 3:8

Ti na la logo loa ki le leo o le Eteleno Atua, leia na evaeva i le oloto i le afiafi, ti na mumuni loa le tagata mo lana avaga, o mamao i mata o le Eteleno, i loto o laakau o le oloto.

Pesalemo 46:5

E i ai se vaitafe leia e fakafiafia ia e ona vai le kolo o le Atua, Le sagatualio o nofoaga o le Taualuga.

Ekesote 3:5

Na pati loa le Atua : Aua na ke fakafeofi mai ki leinei, too ou taka mei ou vae, talie ko le ganea leinei e ke tuu ai ko se kele taputapu a ia.

Levitiko 26:12

E kau saele loa i loto malie o koutou, ti e kau liliu loa ko lokoutou Atua, ti e kotou liliu loa ko loku kakai.

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Tetelonome 23:13

E ke maua loa i lou kavega se nea gaoi. Ka ke fakatutuu loa i le vao, e ke kenu loa se ga popoko o fai ki ai lau faikauga, ti e ke tanu loa lau faikauga i mua o lau toe ulu ki loto o le nofolaga.

Apokalipisi 20:9

Ti na lotou pale loa ki le fenua, ti na lotou takatakai loa le nofoaga o le kau sagato ti mo le kolo alofaina. Kae na ifo loa se afi mei le lagi o maumaui latou.