Tetelonome 22:21 - Tosi Tapu

²¹ ti e ave loa le fafine ki mua o le matapa o le fale o lona tama ; ti e tuki fatui loa a ia e le kakai o lona kolo. E mate loa a ia, talie na fai e ia se nea fakalumaluma i Iselaele, o momoe a ia mo se tagata i le fale o lona tamana. E ke too loa i ai le veli i loto malie o Iselaele.

Tetelonome 22:21 ပူးပေါင်းရင်းမြစ်များ

Senesi 34:7

Ti na toe liliu ake loa a vosa o Sakopo i faisaga, o logo ki le nea leia kua soko. Ti na mamae lasi ai a tagata ana, ti na lotou itaita veli ai, talie kua fai e Siseme se nea fakalumaluma i Iselaele, i lana momoe mo le taine o Sakopo. Talie na leaise tonu ke fai le nea lena i Iselaele.

Senesi 38:24

Na sili loa ki ai ni masina e tolu, ti na fakasa loa kia Suta : Kua faiaga lou fugao ko Tamale, ti ko leinei kua tinae a ia i lana faiaga. Ti na pati loa Suta : Kotou aumai a ia ke tutu mauli !

Levitiko 19:29

Aua na ke fakamatagafua loa lou taine o soli a ia ke faiaga fakalotu, talie e feala loa ke vilo le fenua ki le faiaga, ti ke apele a ia i aga fakalialia.

Levitiko 20:2

E ke pati loa ki fanau a Iselaele : kapau e soli loa e se tagata o fanau a Iselaele pe ko se matapule leia e mauli i Iselaele se tasi o ana fanau kia Moloke, e tautea loa le tagata lena ki le mate : e tuki fatui loa a ia e le kakai o le fenua.

Levitiko 21:9

Kapau e faiaga loa se taine o se tagata faisakilifisio, e fakamatagafua loa e le taine lena a ia totonu, ti e toe fakamatagafua e ia mo lona tamana : e tutu loa a ia i le afi.

Levitiko 24:16

Ko leia e lauveli loa ki le suafa o le Eteleno e tautea loa a ia ki le mate : e tuki fatui loa a ia e le kakai katoa.

Levitiko 24:23

Na masau loa Moisese ki fanau a Iselaele ; ti na lotou fakamavae loa le tagata leia na lauveli mei le nofolaga, ti na lotou tuki fatui loa a ia. Na mulimuli loa fanau a Iselaele ki le fakatotonu leia na tuku e le Eteleno kia Moisese.

Uluaki tosi ki le kau Kolinto 5:13

Kia latou ala i tafa, e fakamaaui latou e le Atua. Kotou too meia koutou le tagata agasala lena.

Tetelonome 13:10

ke ke tuki fatui loa a ia ke mate, talie na faiga a ia ke ke mavae mei le Eteleno, lou Atua, leia na fakamavae ia a koe mei le fenua o Esipito, mei le fale o le popula.

Tetelonome 13:5

Ke tautea loa ki le mate le polofeta lena pe ko le tagata fai kikite lena, talie na masau a ia ke fakafesagai ki le Eteleno, lokoutou Atua, leia na fakamavae ia a koe mei le fenua o Esipito, ti na saofaki ia koutou mei le fale o le popula, ti na loto a ia ke fakamaliu a koe mei le ala leia na fakatotonu e le Eteleno, lou Atua, ke ke saele ai. E ke too loa i ai le veli mei loto malie o lou kakai.

Tetelonome 13:6

Kapau e fakasekeseke fakafufu loa kiate koe lou taina, le vosa o lou tinana, pe ko lou vosa, pe ko lou taine, pe ko lau avaga totonu, pe ko lou soa leia e ke alofa ki ai ofaipe koe totonu, o pati atu : Ke ta ano o tausi ki ni iki atua kese ! ko ni atua ala e leaise ke iloa ti na leaise iloa foki e ou tamana ;

Tetelonome 17:5

ti ke aumai loa ki ou matapa le tagata lena pe ko le fafine lena, leia e fai ia loa le nea veli a ia, ti ke tuki fatui loa a ia pe ke tautea loa a ia ki le mate.

Tetelonome 17:7

E uluaki siki loa kiate ia le lima o tagata fakamaoki o tamate a ia, ti o muli atu loa le lima o le kakai katoa. E ke too loa i ai le veli i loto malie o Iselaele.

Tetelonome 19:19

ti e kotou fai loa kiate ia le nea leia na loto a ia ke fai ki lona taina. E ke too loa i ai le veli i loto malie o Iselaele.

Tetelonome 21:21

Ti e tuki fatui loa a ia ke mate e tagata fuli o lona kolo. E ke sau loa i ai le veli mei loto malie o ou, o tupu ke logo Iselaele katoa ti ke i a ia.

Tetelonome 22:22

Kapau e maua loa se tagata leia e momoe mo se fafine avaga, e la mamate toka lua loa, le tagata leia na momoe mo le fafine, mo le fafine foki. E ke too loa i ai le veli i loto malie o Iselaele.

Tetelonome 22:24

ke kotou ave loa laua toka lua ki le matapa o le kolo, ti ke kotou tuki fatui loa laua. E la mamate loa, le taine o tupu na leaise kalaga a ia i le kolo, mo le tagata o tupu na fakamakeke e ia le feauaki o lona oloi. E ke sau loa i ai le veli i loto malie o Iselaele.

Tuifakamaau 19:23

Na ulu loa le matua ki fafo, o pati kia latou : Ei oku fetaina, e kau kolekole atu kia koutou, ke aua na kotou fai loa le agasala fakalialia lena ! Ke aua na kotou fai loa le aga fakavalea lena ki le tagata leinei, talie kua ulu mai a ia ki loku loto fale.

Tuifakamaau 20:10

E tou filifili loa i faasiga fuli o Iselaele ni tagata e kau agafulu i le tino lelau, e kau lelau i le tino afe, e afe i le tino agafulu afe. E lotou ano loa o afa ni nea kai ki kau solia ala e ano loa o tau ki Kipea ke tautea ai le kolo lena o tupu ko le aga fakalialia leia na fai e lona kakai i Iselaele.

Tuifakamaau 20:5

Na tutuu ake loa ni tagata o Kipea ke fai kiate au se nea fakalumaluma, ti na lotou takatakai loa i le pouli le fale leia na kau nofo ai. Ko au leia na lotou loto ke tamate, kae na lotou fakavalevale loa ki loku avaga, o kaku ki lona mate.

Tuifakamaau 20:6

Na kau too loa loku avaga, ti na kau tuutuu loa a ia o fakamomoli ki faasiga fuli o Iselaele. Talie kua lotou fai se nea fakalialia mo fakalumaluma i Iselaele.