Tetelonome 20:1 - Tosi Tapu

¹ Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Tetelonome 20:1 ပူးပေါင်းရင်းမြစ်များ

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Lua tosi o Koloniko 14:10

Na tagi loa Asa ki le Eteleno, lona Atua, o pati : Eteleno, ko koe toka tasi e mafai ke au o tokoi ki leia e gaegae mo leia e makeke : au o tokoi mai kia matou, Eteleno, lomatou Atua ! talie ko koe leia e motou fanaki ki ai, ti na motou au i lou suafa o taui le kakai api leinei. Eteleno, ko koe ko lomatou Atua : ke aua na malo le tagata iate koe !

Lua tosi o Koloniko 14:11

Na taai loa e le Eteleno le kau Etiopia i mua o Asa mo Suta, ti na sosola loa le kau Etiopia.

Lua tosi o Koloniko 20:12

Ei lomatou Atua, pe leaise ke fakasoko ia loa au fakamaau kia latou ? Talie e leaise motou maua se makeke i mua o le kakai toka api lena kua saele mai kia matou, ti e leaise motou iloa se nea leia ke fai, kae e tio atu omatou mata kiate koe.

Lua tosi o Koloniko 20:15

Ti na pati loa Sakasiele : Kotou fakalogologo mai, Suta katoa mo le kakai o Selusalemi, ti mo koe, sau ko Sosafate ! Ko leinei le folafola a le Eteleno kia koutou : Aua na kotou tuania ti aua na kotou i ki le kakai toka api lena, talie e leaise ko koutou loa ala ka tau, kae ko le Atua.

Pesalemo 118:6

E kau le Eteleno mo au, e leaise kau i ki se nea : Kolea e mafai ke fai mai e tagata kiate au ?

Pesalemo 20:7

Ko leinei, e kau iloa e saofaki loa e le Eteleno lona filifilia ; E tali loa e ia lana kole mei lagi, mei lona nofoaga maokioki, Ki le tokoi makeke o lona lima atamai.

Pesalemo 23:4

Ka kau saele i le vaivailiua o le malu o le mate, E leaise kau i fua ki se nea veli, talie e ke nofo mo au : Ko lou tokotoko mo lou malomu e fakafimalie ia au.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:7

E taugaoi ni puleaga, ti e sosolo ni puleaga ; Kae ka fakasa e ia lona leo, ti e liliu o vai le malama nei i le i.

Pesalemo 46:8

E kau mo matou le Eteleno o kau tau, Ko le Atua o Sakopo, ko se kolo ulufaga a ia kia matou. - Manava.

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 43:2

Kapau e ke ano i atu vai, e kau nofo loa mo koe ; Ti kapau e ke ano i ni vaitafe lalasi, e leaise ke ogo loa ; Kapau e ke saele i le afi, e leaise ke vela loa, Ti e leaise tutu loa a koe e le ula.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Selemia 16:14

Koia, e pati ai le Eteleno : e soko mai loa a aso, Ala leaise toe pati ai loa : E mauli le Eteleno, A ia leia na fakamavae ia fanau a Iselaele i Esipito !

Sakalia 10:5

E lotou fai loa pe ni kau toa i le tau o takatakafi latou ala e tau kia latou ofaipe le efu o le ala. E lotou tau loa, talie e nofo loa le Eteleno mo latou ; Kae e apele loa i le luma latou ala e eke i ni osi.

Numelo 10:9

I lokoutou fenua, ka kotou ano loa o tau ki le fili leia na osoi ia koutou, e kotou pupusi fakamakeke loa a fakatagi pupusi, ti e manatui loa koutou e le Eteleno, ko lokoutou Atua, ti e saofaki loa e ia koutou mei okoutou fili.

Numelo 23:21

E leaise tio fua a ia ki se agasala ia Sakopo, E leaise tio fua a ia ki se agatuu ia Iselaele. E nofo le Eteleno, lolatou Atua, mo ia, Ko ia ko lona sau, ko le tupuaga o lona fiafia.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Tetelonome 1:29

Na kau pati loa kia koutou : Ke aua na kotou loto gaegae, ti ke aua na kotou i kia latou.

Tetelonome 2:7

Talie na tapuaki le Eteleno, lou Atua, kiate koe i au gaoi fuli, ti na leoleo e ia a koe i le lolotoga o lou fanoga i le toafa lasi leinei. Na nofo le Eteleno, lou Atua, mo koe i fetuu e kau fa, ti na leaise puli fua se nea e tasi leia na aoga kiate koe.

Tetelonome 20:2

I le ofi ki le tau, e au loa le tagata faisakilifisio ki mua o le kakai, o masau kiate ia.

Tetelonome 20:3

E pati loa a ia : Fakalogo mai, Iselaele ! I le aso nei e kotou ano loa o taui okoutou fili. Ke aua na kotou loto gaegae ; ke aua na kotou i, ke aua na kotou lulu, ke aua na kotou liliko i olatou mua.

Tetelonome 31:6

Ke kotou fakamakeke ti ke kotou loto makeke ! Ke aua na kotou i ti ke aua na kotou lulu i olatou mua, talie e saele loa le Eteleno, lou Atua, mo koe ; e leaise mavae loa a ia meiate koe, e leaise tiaki loa e ia a koe.

Tetelonome 31:8

E saele loa le Eteleno i ou mua, e leaise mavae loa a ia meiate koe, e leaise tiaki loa e ia a koe : Ke aua na ke i ti ke aua na ke loto gaegae !

Tetelonome 7:1

Ka fakaulu loa a koe e le Eteleno, lou Atua, ki le fenua leia ka ke maua tofiga loa, ti ka kapu loa e ia i ou mua ni puleaga api : le kau Iti, mo le kau Kilikasi, mo le kau Amole, mo le kau Kanaane, mo le kau Pelesi, mo le kau Evi, mo le kau Sepusi, ko puleaga e fitu ala e lalasi ake mo makeke ake iate koe,

Tetelonome 7:18

Ke aua na ke i kia latou. Kae ke ke manatui le nea leia na fai e le Eteleno, lou Atua, kia Falaone mo Esipito katoa,

Tetelonome 7:21

Ke aua na ke i o tupu ko latou ; talie e nofo le Eteleno, lou Atua, i loto malie o ou, le Atua lasi mo fakaii.

Tetelonome 9:3

Ke ke iloa i le aso nei e muamua loa iate koe le Eteleno, lou Atua, ofaipe se afi maumau, ti ko ia leia e maumaui ia loa latou, mo fakamamae ia loa latou i ou mua ; ti e ke kapu loa latou, ti e ke tamate fakatavili loa latou, ofaipe le pati a le Eteleno kiate koe.

Sosue 1:5

E leaise tuu loa se tasi i ou mua, i le temi o lou mauli. E kau nofo loa mo koe, ofaipe laku nofo mo Moisese : E leaise kau tukunoa loa a koe, e leaise kau tiaki loa a koe.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Sosue 11:9

Na fai loa e Sosue kia latou o mulimuli ki le nea na fakatotonu e le Eteleno kiate ia. Na tuuti loa e ia a ivi o vae o alatou osi, ti na tutu loa e ia olatou saliote i le afi.

Tuifakamaau 6:12

Na sa loa le aselo o le Eteleno kiate ia, o pati kiate ia : E nofo le Eteleno mo koe, tagata loto makeke mo toa !

Tuifakamaau 6:16

Na pati loa le Eteleno kiate ia : Kae e kau nofo loa mo koe ti e ke tamate loa Matiane ofaipe se tagata e tasi.

Uluaki tosi a Samuele 17:32

Na pati loa Tavite kia Saulo : Ke aua na loto gaegae se tasi, o tupu ko le Filisitini leinei ! E ano loa lau tagata fakasausau, o tau mo ia.