Tetelonome 2:37 - Tosi Tapu

³⁷ Kae na leaise ke fakafeofi loa ki le fenua o fanau a Amone, ki kauvai fuli o le liua ko Sapoke, mo kolo o le mauga, mo ganea fuli ala na tapui e le Eteleno, lotatou Atua, ke ke taui.

Tetelonome 2:37 ပူးပေါင်းရင်းမြစ်များ

Senesi 32:22

Na tuu ake loa a ia i le po lena o too ana avaga e toka lua, mo ana fafine fakasausau e toka lua, ti mo ona toe e kau agafulu tupu tasi, ti na fakalaka loa e ia latou i le liua ko Sapoke.

Numelo 21:24

Na tamate loa a ia e Iselaele ki le seleta, ti na too loa e Iselaele lona fenua katoa, mei le Alenone i le potu saute, o kaku ki le Sapoke i le potu noleto, o kaku ki le koiga o fanau a Amone ; talie na fai ki ni a fatu makeke le koiga o le kau Amone.

Tetelonome 2:19

ti e ke fakafeofi loa ki fanau a Amone. Ke aua na ke fai loa se nea veli kia latou, ti ke aua na ke taui loa latou ; talie e leaise kau tuku loa se nea fuai e tasi kiate koe i le fenua o fanau a Amone : ko fanau o Lote ala kua kau soli ki ai le fenua leinei ko lolatou tofiga.

Tetelonome 2:5

Aua na kotou fai ia loa se nea kia latou, talie e leaise kau tuku atu loa kia koutou se nea fua e tasi i lolatou fenua, pe ko se ganea fua ke tuu ai ou taga vae. Talie kua kau soli le mauga o Seili ko le tofiga a ia o Esau.

Tetelonome 2:9

Na pati mai loa le Eteleno kiate au : Ke aua na ke fai ia loa se nea veli kia Moape, ti ke aua na ke taui loa a ia, talie e leaise kau soli loa kiate koe se nea fua e tasi i lona fenua. Talie, ko fanau o Lote ala kua kau soli ki ai le fenua o Ale.

Tetelonome 3:16

Ki vosa o Lupeni mo Kate, na kau soli loa kia latou le tasi a koga o Kalaate, o kaku ki le liua o Alenone, leia na koiga o kaku ki le liua o Sapoke, koiga o le kau Amone.

Sosue 12:2

Ko Sioni, sau o le kau Amole, leia na nofo i Eseponi. Na pule a ia mei le Aoeli, leia na tuu i le kauvai o le Alenone, ti mei le loto malie o le liua, ki le vaelua o le fenua o Kalaate, o kaku ki le liua o Sapoke, leia ko le koiga o fanau a Amone ;

Tuifakamaau 11:15

o pati kiate ia : Ko leinei le masau a Sefete : Na leaise too e Iselaele le fenua o Moape, ti mo le fenua o vosa o Amone.

Tuifakamaau 11:22

Na lotou maua loa le fenua katoa o le kau Amole, mei le Alenone o kaku ki le Sapoke, ti mei le toafa o kaku ki le Solotane.