Tetelonome 2:14 - Tosi Tapu

¹⁴ Ko le fualoa o le temi leia na tou saele ai mei Katesi-Palenea o kaku ki le fakalaka i le liua o Seleti ko fetuu e kau tolu tupu valu, o kaku ki le puli o le tautupu katoa o tagata tau, o mulimuli ki le fakapapau leia na fai e le Eteleno kia latou.

Tetelonome 2:14 ပူးပေါင်းရင်းမြစ်များ

Pesalemo 106:26

Ti na siki loa e ia lona lima o fakamaoki Ke tuku latou ke mamate i le toafa,

Pesalemo 90:15

Fakafiafia matou o fakatatau ki aso ala na ke fakaluma ai matou, Mo fetuu ala na motou tio ai ki le malaia.

Pesalemo 90:3

E ke fakaulu a tagata ki le efu, Ti e ke pati : Vosa o le tagata, kotou toe liliu ki le kele !

Pesalemo 90:9

E pupuli vave omatou aso fuli o tupu ko lou sausau ; E motou tio ki le puli o omatou fetuu ofaipe se leo.

Pesalemo 95:11

Koia na kau fakapapau ai i loku ita : E leaise lotou ulu loa ki loku malolo !

Esekiele 20:15

I le toafa, na kau siki loa loku lima kia latou, o tupu ke aua na taki latou ki le fenua leia na kau fakatuutuu kia latou, fenua leia e tafe ai le sua manu mo le meli, fenua fulumalie kese i fenua fuli,

Numelo 1:1

Na masau loa le Eteleno kia Moisese i le toafa o Sinai, i le falela tapu, i le uluaki aso o le lua masina, i le lua fetuu ki le mavae i Esipito. Na pati loa a ia :

Numelo 13:26

I lalatou kaku ake, na lotou ano loa kia Moisese, mo Alone, mo le kakai katoa o Iselaele, i Katesi i le toafa o Palani. Ti na lotou fakamatala loa kia latou a nea fuli ala na lotou tio ki ai, ti na lotou fakatio loa latou ki fua o le fenua.

Numelo 32:11

Ko tagata ala na pale mei Esipito, mei le fetuu kau lua o fai ki aluga, e leaise tio loa ki le fenua leia na kau fakapapau ke soli kia Apalaamo, mo Isaake, mo Sakopo, talie na leaise lotou mulimuli katoa i loku ala,

Uluaki tosi ki le kau Kolinto 10:5

Kae na leaise malie le toka api o latou ki le Atua, talie na lotou mamate loa i le toafa.

Tetelonome 1:19

Na tou mavae loa i Olepe, ti na tou foli katoa loa i le toafa lasi mo fakaii leinei kua kotou iloa ; na tou too loa le ala leia e ano ki le mauga o le kau Amole, o mulimuli ki le fakatotonu a le Eteleno, ti na tou kaku loa ki Katesi-Palenea.

Tetelonome 1:2

Na aso kau agafulu tupu tasi le fanoga mei Olepe ki Katesi-Palenea, i le ala o le mauga ko Seili.

Tetelonome 1:46

Koia na kotou nofo fualoa ai loa, io, o fualoa veli ai, i Katesi-Palenea.

Tetelonome 2:13

I le aso nei, ke kotou tutuu ki aluga, ti ke kotou fakalaka i le liua o Seleti. Ti na tou fakalaka loa i le liua o Seleti.

Tetelonome 2:16

I le oki o le mate o tagata tau fuli i loto malie o le kakai,

Tetelonome 2:7

Talie na tapuaki le Eteleno, lou Atua, kiate koe i au gaoi fuli, ti na leoleo e ia a koe i le lolotoga o lou fanoga i le toafa lasi leinei. Na nofo le Eteleno, lou Atua, mo koe i fetuu e kau fa, ti na leaise puli fua se nea e tasi leia na aoga kiate koe.

Sosue 24:7

Na tagi loa okoutou tamana ki le Eteleno. Ti na tuku loa e le Eteleno se fakapouli i le vasa o koutou mo le kau Esipito, ti na aumai loa e ia kia latou le tai, o lotou lomakia ai loa. Na tio okoutou mata ki le nea leia na kau aga o fai ki le kau Esipito. Ti na kotou nonofo loa i le toafa o fualoa.

Sosue 5:4

Ko leinei le tupuaga o lolatou silikosisio e Sosue : I le mavae o le kakai o Iselaele i Esipito, na silikosisio fuli a tagata na aoga ki le tau, kae na mamate fuli le tautupu lena i le toafa.

Sosue 5:6

Talie na saele a fanau a Iselaele i le toafa i le fetuu e kau fa o kaku ki le maumaui o le puleaga katoa o tagata tau ala na mavae mei Esipito ti na leaise fakalogo ki le leo o le Eteleno ; na fakapapau loa e le Eteleno kia latou ke aua na fakatio latou ki le fenua leia na fakapapau e ia ki olatou tamana ke soli kia tatou, fenua leia e tafe ai le sua manu mo le sua meli.

Suta 1:5

E kau loto ke kau toe fakamanatu atu kia koutou, kia koutou ala e iloa ia a nea fuli ana, ko le Aliki, i le oki o lana saofaki le kakai ti mo lana fakamavae latou mei le fenua o Esipito, na tamate ia le kau tui gataa ;