Tetelonome 2:13 - Tosi Tapu

¹³ I le aso nei, ke kotou tutuu ki aluga, ti ke kotou fakalaka i le liua o Seleti. Ti na tou fakalaka loa i le liua o Seleti.

Tetelonome 2:13 ပူးပေါင်းရင်းမြစ်များ

Numelo 13:23

Na lotou ano loa o kaku ki le vaitafe o Esikoli, ti na lotou tuuti loa i ai se laa vite mo ona fui fulumeto, leia na amo loa e se toka lua ki se laakau ; ti na lotou toe too foki mo ni fuai kelenati mo ni fuai fiki.

Numelo 21:12

Na lotou siki loa i lena, ti na lotou nonofo loa i le fenua leia e tafe ai le vaitafe ko Seleti.

Numelo 21:13

Na lotou siki loa i lena, ti na lotou nonofo loa i leia atu fetuu o le Alanoni, leia e tafe i le toafa i lana ulu mei le fenua o le kau Amole ; talie ko le Alanoni ko le koiga a ia o Moape, i le vasa o Moape mo le kau Amole.

Tetelonome 2:12

Na nofoi Seili i le temi mua e le kau Oli. Na kapu loa e vosa o Esau le kau Oli i lolatou fenua, ti na lotou tamate loa latou kae lotou nonofo loa i lolatou fenua. Na fai foki e fanau a Iselaele le nea lena i le fenua leia na soli e le Eteleno kia latou ko lolatou tofiga.

Tetelonome 2:14

Ko le fualoa o le temi leia na tou saele ai mei Katesi-Palenea o kaku ki le fakalaka i le liua o Seleti ko fetuu e kau tolu tupu valu, o kaku ki le puli o le tautupu katoa o tagata tau, o mulimuli ki le fakapapau leia na fai e le Eteleno kia latou.