Tetelonome 18:20 - Tosi Tapu

²⁰ Kae kapau e matasoka loa se polofeta o fakasa ia i loku suafa se folafola leia na leaise kau fakatotonu kiate ia ke fakasa, pe masau loa a ia i le suafa o ni atua kese, e tamate loa le polofeta lena.

Tetelonome 18:20 ပူးပေါင်းရင်းမြစ်များ

Uluaki tosi o Sau 13:19

Na toe liliu loa le tagata a le Atua mo ia ki lona fale, ti na kai loa e ia se pane mo inu se vai.

Uluaki tosi o Sau 18:19

Ko leinei, fakatotonu ke fakatasi Iselaele katoa ki oku mua, i le mauga o Kalemelo, ti mo le kau polofeta a Paale ko tino lelau e fa mo le tino lima, ti mo le kau polofeta a Asetalate ko tino lelau e fa, ala e kakai i le laupapa o Sesapele.

Uluaki tosi o Sau 18:27

I le lalatea, na gologolo loa Elia kia latou, o pati : Kotou kalaga leo lasi, talie e atua a ia ; e lagi manatu a ia ki se nea, pe lagi e visia a ia, pe lagi kua folau a ia ; pe lagi moe a ia, pe lagi koi ala ake a ia.

Uluaki tosi o Sau 18:40

Na pati loa Elia kia latou : Kotou too le kau polofeta a Paale, ke aua na sola loa se tasi ia latou ! Ti na tapo loa latou e le kakai. Ti na fakaifo loa latou e Elia ki le liua o Kisoni, ti na tamate loa e ia latou i ai.

Selemia 2:8

Na leaise pati a tagata faisakilifisio : Kofea le Eteleno ? Ko latou ala na maua ia le lao na leaise iloa ia au, Na leaise agatonu le kau tausi ovi kiate au, Na faikikite le kau polofeta i le igoa o Paale, Ti na lotou mulimuli ia latou ala e leaise mafai ke tokoi kia latou.

Selemia 23:30

Koia e folafola ai le Eteleno, o pati : Ko leinei, e kau vesia ki le kau polofeta Leia e fekaiaaki ia latou aku folafola.

Selemia 23:31

Ko leinei, e pati le Eteleno, e kau vesia ki le kau polofeta, Ala e too ia lalatou masau totonu ti e lotou tuku a ia ko laku folafola.

Selemia 26:11

Ti na masau loa le kau faisakilifisio mo le kau polofeta ki le kau pule mo le kakai katoa, o pati : E tonu ke mate le tagata leinei, talie kua kikite a ia ki le kolo leinei ofaipe le nea leia kua logo ki ai okoutou taliga.

Selemia 27:15

E pati le Eteleno : Na leaise kau kakau atu latou, kae e lotou kikite le loi i loku suafa, o tupu ke kau kapu koutou ti ke kotou mamate, a koutou mo kau polofeta ala e kikite kia koutou.

Esekiele 13:6

E vaiga alotou tio, ti e loi alatou kikite ; E lotou pati : Na pati le Eteleno ! Kae na leaise kakau fua latou e le Eteleno ; Ti e lotou tuku ke amanaki e soko loa alatou masau.

Sakalia 13:2

I le aso lena, e pati le Eteleno o kau tau : E kau tuuti loa i le fenua a igoa o taulaatua, O tupu ke aua na toe manatu kia latou ; E kau too loa i le fenua le kau polofeta loi mo le laumalie fakakelekele.

Sakalia 13:3

Kapau e kikite loa se tasi, E pati loa kiate ia lona tamana mo lona tinana, ala na fanaui ia a ia : E leaise ke mauli loa, talie e ke fakasa ia ni loi i le suafa o le Eteleno ! Ti e sukii loa a ia e lona tamana mo lona tinana ala na fanaui ia a ia Mo ka kikite loa a ia.

Mateo 7:15

Kotou tokaga ki le kau polofeta kaka. E lotou au kia koutou kua kofu ofaipe ni ovi, kae i loto ko ni lupo fekai latou.

Tetelonome 13:6

Kapau e fakasekeseke fakafufu loa kiate koe lou taina, le vosa o lou tinana, pe ko lou vosa, pe ko lou taine, pe ko lau avaga totonu, pe ko lou soa leia e ke alofa ki ai ofaipe koe totonu, o pati atu : Ke ta ano o tausi ki ni iki atua kese ! ko ni atua ala e leaise ke iloa ti na leaise iloa foki e ou tamana ;

Tetelonome 17:12

Ko leia e matasoka loa, o leaise fakalogo ki le tagata faisakilifisio leia na fakanofo i le sagatualio ke tausi ki le Eteleno, lou Atua, pe ki le tui fakamaau, e tamate loa. E ke too loa i ai le veli i loto malie o Iselaele.

Tetelonome 18:21

E feala ke ke pati loa i lou loto : Pe feaki loa laku iloa le folafola leia na leaise fakasa loa e le Eteleno ?

Tetelonome 18:22

Kapau e leaise fai loa ti e leaise soko loa le nea leia e masau loa ki ai le polofeta i le suafa o le Eteleno, ko se masau loa a ia na leaise fakasa loa e le Eteleno. Ko le matasoka lena na masau ai loa le polofeta : ke aua na ke i kiate ia.

Lua tosi a Petelo 2:12

Kae ko latou ana, ofaipe ni manu fekai ala e mulimuli fai ki oli o lolatou natula ti na fakatupu ke maumaui, e lauveli ki nea ala e leaise lotou iloa, ti e lotou pulinoa loa o tupu ko alatou aga fakalialia totonu,

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Tuifakamaau 2:15

I temi fuli ala na lotou ano ai o tau, na fakafesagai loa le lima o le Eteleno kia latou, o fai kia latou se nea veli, o mulimuli ki le nea leia na fakasa e le Eteleno kia latou, o mulimuli ki le nea leia na fakapapau e le Eteleno kia latou. Ti na lotou nonofo loa i se mamae lasi ai.