Tetelonome 18:2 - Tosi Tapu

² E leaise lotou maua loa se tofiga i loto malie o olatou fetaina : ko le Eteleno ko lolatou tofiga a ia, o fai ki lana fakasa kia latou.

Tetelonome 18:2 ပူးပေါင်းရင်းမြစ်များ

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Pesalemo 119:57

Ko loku vaega, ei Eteleno, e kau fakasa : Ko le tausi o au folafola.

Pesalemo 16:5

Ko le Eteleno ko loku inati mo loku kalise. Ko koe leia e taupau kiate au loku vaega.

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Esaia 61:6

Kae ko koutou, e fakaigoa loa koutou ko tagata faisakilifisio a le Eteleno, E fakanofo loa koutou ko tagata fakasausau a lotatou Atua ; E kotou kai loa a koloa o atu puleaga, Ti e kotou maua loa lolatou kololia.

Tagi laulau a Selemia 3:24

E pati loku laumalie : Ko le Eteleno ko loku vaega, Koia e kau fia amanaki malie ai kiate ia.

Esekiele 44:28

Ko leinei le tofiga leia e lotou maua loa : Ko au totonu ko lolatou tofiga. E leaise kotou soli loa kia latou se tofiga i Iselaele : Ko au totonu ko lolatou tofiga.

Numelo 18:20

Na pati loa le Eteleno kia Alone : E leaise ke maua ia loa se tofiga i lolatou fenua, ti e leaise ke maua ia loa se vaega i loto malie o latou ; ko au ko lou vaega mo lou tofiga, i loto malie o fanau a Iselaele.

Numelo 18:7

Ko koe, Alone, mo ou sakoga, e kotou fai loa lakoutou gaoi fakapelepitelo i le aletale mo le ganea taputapu i loto o le kie tapono : Ko au leia e soli fakaalofa atu ia kia koutou le gaoi fakapelepitelo. Kapau e fakafeofi mai loa se tasi kese kiate au, e tautea loa a ia ki le mate.

Tetelonome 10:9

Koia leia e leaise maua loa e Levi sona vaega pe ko sona tofiga mo ona fetaina : ko lona tofiga ko le Eteleno, o mulimuli ki le pati a le Eteleno, lona Atua kiate ia.

Sosue 13:14

Ko le faasiga o Levi toka tasi na leaise soli ki ai se tofiga e Moisese ; ko sakilifisio tutu e le afi i mua o le Eteleno, le Atua o Iselaele, ko lena lona tofiga, o mulimuli ki le nea leia na fakasa kiate ia.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,