Tetelonome 18:16 - Tosi Tapu

¹⁶ Ko le tali loa a ia ki le kole leia na ke fai ki le Eteleno, lou Atua, i Olepe, i le aso o le fakatasi, o ke pati ai : E leaise kau toe loto ke folafola totonu mai kiate au le Eteleno, loku Atua ! E leaise kau toe fia tio ki le afi kaka lena ! E leaise kau fia mate !

Tetelonome 18:16 ပူးပေါင်းရင်းမြစ်များ

Ekesote 20:18

Na logo le kakai katoa ki gugulu o le mana mo le tagi o le fakatagi pupusi ; ti na lotou tio ki le ulaula o le mauga mo lona kokofu. I le nea lena, na lulu loa le kakai i le i, ti na lotou solomuli, o tuu mei mamao.

Ekesote 20:19

Na lotou pati loa kia Moisese : Masau mai fua a koe totonu kia matou, ti e motou fakalogo atu loa ; kae ke aua na masau mai le Atua totonu kia matou, talie ke aua na motou mamate.

Selemia 1:9

Ti na falo loa e le Eteleno lona lima o fafa ki loku gutu ; ti na pati mai loa le Eteleno kiate au : Ko leinei, e kau tuku aku folafola ki lou gutu.

Tetelonome 1:6

Na masau mai le Eteleno, lotatou Atua, kia tatou i Olepe, o pati : Kua feauga lakotou nofo i le mauga leinei.

Tetelonome 10:4

Na tosi loa e le Eteleno ki laui fatu le nea leia na tosi i laui fatu uluaki, a folafola e kau agafulu ala na fakasa e ia kia koutou i le mauga, mei loto malie o le afi, i le aso o le fakatasi. Ti na soli mai loa laua e le Eteleno kiate au.

Tetelonome 9:10

ti na tuku mai loa kiate au e le Eteleno a laui fatu e lua, ala kua tosi ai e lona lima totonu a folafola fuli ala na fakasa e ia kia koutou mei loto malie o le afi, i le aso leia na kotou fakatasi ai i lalo o le mauga.

Epelo 12:19

pe ki le tagi o fakatagi pupusi, pe ki le logoa o masau, o tupu ai le kole e latou ala na logo ki nea ana ke aua na toe masau ake kia latou ;