Tetelonome 18:14 - Tosi Tapu

¹⁴ Talie ko puleaga ana ka ke kapu loa, e fakalogo kia latou ala e fai ia a nea fakaofolele loi mo nea fakatemonio ; kae kiate koe, e leaise fakataga a ia e le Eteleno, lou Atua.

Tetelonome 18:14 ပူးပေါင်းရင်းမြစ်များ

Senesi 20:6

Na pati loa le Atua kiate ia i le moe miti : E kau iloa na ke fai le nea lena i se loto mea ; koia na kau taofi ai a koe ke aua na ke agasala kiate au. Koia foki leia na leaise kau fakataga ai ke ke fafa ki le fafine.

Lua tosi o Sau 21:6

Na momoli loa e ia lona vosa i le afi ; na sivi loa e ia a ao mo gata ke iloa ai a nea ka soko, ti na fakanofo loa e ia ni kakai ala e masau ki laumalie o kau mate ti e kikite ia a nea ala ka soko. Na asilisili fai loa e ia le nea leia e veli ki mata o le Eteleno, ke fakatupu ai lona ita.

Esaia 2:6

Talie kua ke tiaki maoki lou kakai, le fale o Sakopo, O tupu kua lotou apele i nea o le potu esite, Ti kua lotou faikikite ofaipe le kau Filisitini, Ti kua lotou avaga ki vosa o le kau matapule.

Selemia 27:9

Ti ko koutou, aua na kotou fakalogo ki okoutou polofeta, mo okoutou kau kikite, mo okoutou kau moe miti, mo latou e sivi ia le lagi, ti mo latou ala fai nea fakatalatupua, ala e pati atu kia koutou : E leaise kotou tausi loa ki le sau o Papilone !

Taniela 2:27

Na tali loa Taniela i mua o le sau, o pati : Ko le nea leia e kole e le sau ko se nea fakafufu, ti e leaise mafai e le kau poto, mo le kau sivi fetuu, mo le kau masi, mo le kau kikite, ke fakamatala ia ki le sau.

Mikea 5:12

E kau motusi loa i loto malie o ou ou taulaatua mo ou fakatata, Ti e leaise ke toe tulolo loa i mua o le nea leia na fau e ou lima ;

Gaoi 14:16

Ko le Atua lena, i tautupu kua sili, na tuku ia a puleaga fuli ke muli i olatou ala,

Tetelonome 18:10

Ke aua na maua iate koe se tasi leia e fakalaka ia lona vosa pe ko lona taine i le afi, se tasi leia e fai kikite, se tasi leia e fai nea fakaofolele loi, se tasi leia e fai nea fakatemonio,