Tetelonome 18:12 - Tosi Tapu

¹² Talie ko leia e fai ia a nea ana e fakalialia a ia ki le Eteleno ; ti e tupu ko nea ana e kapu loa e le Eteleno a puleaga ana i mua o Iselaele.

Tetelonome 18:12 ပူးပေါင်းရင်းမြစ်များ

Lua tosi o Sau 23:24

Ti na fakapuli foki e Sosiasi latou fuli ala na masau ki laumalie veli, mo latou ala na fai kikite, mo fakatata, mo taulaatua, ti mo nea fakalialia fuli ala na maua i le fenua o Suta mo Selusalemi, o tupu ke fakasoko ai a folafola o le lao, ala na tuu i le tosi leia na maua e le tagata faisakilifisio ko Ilekisa, i le fale o le Eteleno.

Esekiele 31:11

Ko leinei, na kau tuku a ia ki lima o le toa o atu puleaga, Leia e tautea ia loa a ia o mulimuli ki lona agaveli ; talie na kau kapu a ia.

Levitiko 18:24

Ke aua na fakakelekele loa koutou e se nea fua e tasi o nea ana. Talie ko nea fuli ana ala na fakakelekele ia a puleaga ala e kau kapu loa i okoutou mua.

Levitiko 18:25

Kua kelekele le fenua ia latou ; e tautea loa lana agaveli, ti e luluai loa e le fenua lona kakai.

Levitiko 18:27

Talie na fai a nea fakalialia fuli ana e tagata o le fenua, ala na nofo i ai i mua o koutou ; ti na kelekele i ai le fenua.

Tetelonome 14:27

Ke aua na ke tiaki loa le Levi leia e nofo loa i ou matapa, talie e leaise maua e ia se vaega mo se tofiga mo koe.

Tetelonome 22:5

Ke aua na tui loa e se fafine se teu tagata, ti ke aua na tui loa e se tagata se teu fafine : Talie ko leia e fai ia le nea lena e fakalialia a ia ki le Eteleno, lou Atua.

Tetelonome 9:4

Ka kapu loa latou e le Eteleno, lou Atua, i ou mua, ke aua na ke pati loa i lou loto : ko loku maokioki leia e fakaulu ai au e le Eteleno o maua tofiga le fenua leinei. Talie e kapu latou e le Eteleno i ou mua, o tupu ko le agaveli o puleaga ana.

Tetelonome 9:5

Leai, e leaise se tupu ai ko lou maokioki mo le agatonu o lou loto leia e ke ulu ai loa o maua tofiga lolatou fenua ; kae e tupu ko le agaveli o puleaga ana leia e kapu ai latou e le Eteleno, lou Atua, i ou mua, ti ke fakamaoki ai le folafola leia na fakapapau e le Eteleno ki ou tamana, kia Apalaamo, mo Isaake, mo Sakopo.