Tetelonome 17:9 - Tosi Tapu

⁹ E ke ano loa ki le kau Levi faisakilifisio mo le tui fakamaau leia e gaoi loa i le temi lena. E ke tuku loa kia latou lau nea, ti e lotou fakasa loa kiate koe le tonu leia ke tuku loa e le fakamaau.

Tetelonome 17:9 ပူးပေါင်းရင်းမြစ်များ

Uluaki tosi o Koloniko 26:29

I vosa o Siteseale, ko Kenania mo ona fetaina na tokaga ki gaoi fakapuleaga o Iselaele, ko latou ala na kovana ti na tui fakamaau i Iselaele.

Ekesote 18:16

Ka e i ai ni alatou visi, ti e lotou au kiate au : e kau fakatokatoka loa le visi lena, o kau fakasa kia latou a fakatotonu mo lao a le Eteleno.

Ekesote 22:8

Ti kapau e leaise maua le tagata kaia, e ano loa le tagata o ona le fale ki mua o le Atua, o fakasa na leaise fafa lona lima ki le koloa o lona oloi.

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Esekiele 44:24

E lotou tui fakamaau loa i nea ala e visi, ti e lotou fakamaaui loa o mulimuli ki aku lao. E lotou tausi loa aku lao ti mo aku fakatotonu i oku aso lalasi fuli, ti e lotou tokaga loa ke fakaapaapa ki oku sapato.

Akeseo 2:11

E folafola le Eteleno o kau tau : Fai ki le kau faisakilifisio le vesili leinei o uiga mo le lao :

Sakalia 3:7

E folafola le Eteleno o kau tau, o pati : Kapau e ke saele i oku ala, ti kapau e ke tausi aku fakatotonu, e ke fakamaui loa loku fale ti e ke tausi loa oku lotoa tapu, ti e kau tuku loa kiate koe ke ke ulu faitalisa kia latou ala e nonofo i leinei.

Sakalia 7:3

mo vesili ki le kau tagata faisakilifisio o le fale o le Eteleno o kau tau, ti mo le kau polofeta : Pe tonu ke kau tagi mo sesunio i le masina lima, ofaipe le nea leia na kau fai i ni fetuu mauke ?

Malakia 2:7

Talie e tonu ke taupau e laugutu o le tagata faisakilifisio le poto, Ti e tonu ke afa i lona gutu le lao, O tupu ko se tagata a ia na kakau mai e le Eteleno o kau tau.

Tetelonome 16:18

I kolo fuli ala e soli atu loa kiate koe e le Eteleno, lou Atua, e ke fakanofo loa ni tui fakamaau mo ni ofisa ke fakamaau ia le kakai i le faitotonu.

Tetelonome 17:10

E ke mulimuli loa ki le tonu leia e lotou fakasa loa kiate koe i le ganea leia e filifili loa e le Eteleno. E ke tokaga loa o fai a nea fuli ala e lotou ako atu loa kiate koe.

Tetelonome 21:5

E fakafeofi ake loa a tagata faisakilifisio, vosa o Levi ; talie ko latou ala na filifili e le Eteleno, lou Atua, ke tausi kiate ia, ti ke tuku ia le tapuaki i le suafa o le Eteleno, ti ke fakatokatoka ia a visi fuli mo lavea fuli.

Tetelonome 25:1

Ka fefele loa ni tagata, ti na la ano loa ki mua o le fakamaau ke fakamaaui laua e le tui fakamaau, e fakamatatonu loa leia e mea, kae fakatuaa loa leia e sala.

Tetelonome 33:10

E lotou ako au akonaki kia Sakopo, Mo lau lao ki Iselaele ; E lotou tuku le iseso ki ou pogoisu, Mo le failaulau ki lou aletale.