Tetelonome 17:17 - Tosi Tapu

¹⁷ Ke aua na maua loa e ia ni avaga mauke, o tupu ke aua na maliu loa lona loto mei le Eteleno. Ke aua na maua loa e ia se paaga lasi mo se aulo lasi.

Tetelonome 17:17 ပူးပေါင်းရင်းမြစ်များ

Senesi 2:24

Koia leia e tonu ai ke mavae loa le tagata i lona tamana mo lona tinana, ti ke pipiki loa a ia ki lana avaga, ti e la liliu loa ko se tino e tasi.

Lua tosi a Samuele 12:11

Ko leinei le folafola a le Eteleno : E kau fakamapuna loa mei lou fale le malaia kiate koe, ti e kau too loa i ou mua au avaga o soli ki se tasi, ke momoe loa mo ia i mua o le malama o le laa.

Lua tosi a Samuele 5:13

Na toe too foki e Tavite ni tinifu mo ni avaga i Selusalemi, i le oki o lana mavae mei Epelone, ti na toe tupu loa kiate ia ni vosa mo ni taineliki.

Uluaki tosi o Sau 10:21

Na aulo a ipu inu fuli o le sau ko Salomone, ti na aulo mea a nea fuli o le laupapa kai o le fale o le Vaomatua o Lipane. Na leaise siliva fua se nea e tasi : na leaise mauiga le siliva i le temi o Salomone.

Uluaki tosi o Sau 10:27

Na fakaliliu e le sau le paaga ke tatau mo fatu i Selusalemi, ti na fakaliliu e ia le sete ke tatau mo le sikomole leia na mauli i le potu toafa.

Uluaki tosi o Koloniko 14:3

Na toe too loa e Tavite ni iki fafine i Selusalemi, ti na toe tupu loa kiate ia ni vosa mo ni taineliki.

Lua tosi o Koloniko 1:15

I le sau a Salomone, na tatau loa le lasi o le aulo mo le siliva i Selusalemi mo fatu, ti na tatau loa le lasi o sete mo sikomole ala e tupu i le fenua.

Lua tosi o Koloniko 11:21

Na alofa loa Lopoamo kia Maaka, taine o Apesalone, o lasi ake i ana avaga fuli mo ana tinifu ; talie na maua loa e ia ni avaga e tino agafulu tupu valu mo ni fafine tinifu e tino ono, ti na tupu loa kiate ia ni vosa e tino lua tupu valu mo ni taineliki e tino ono.

Neemia 13:26

Pe na leaise se agasala Salomone, sau o Iselaele, i le nea lena ? Kae na leaise tatau se sau mo ia i atu puleaga lalasi, ti na alofaia a ia e lona Atua, leia na fakanofo ia a ia ke sau i Iselaele katoa ; kae na fakasalai a ia e fafine matapule.

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Taagapati 31:3

Aua na ke tuku lou makeke ki fafine, Ti mo ou ala kia latou ala e taki ia a sau ki le maumau.

Malakia 2:15

Na leaise fai le nea lena e se tasi, mo ka na i ai sona ga poto. Ko le toka tasi na fai ia a ia, ti kolea lona tupuaga ? Talie na afa e ia le sakoga leia na fakapapau e le Atua kiate ia. Koia kotou tokaga ai kia koutou totonu, Ti ke aua na agatuu se tasi ki le avaga o lona temi tupulaga !

Mateo 13:22

Ko leia na tali ia le fakaili i vao talatala, ko leia e logo ki le folafola, kae ko tuania o le mauli ti mo olioli noa ki koloa fakamalama e tapono ia le folafola iate ia ke aua na fua iate ia.

Mateo 19:5

ti na pati loa a ia : Koia e mavae ai loa le tagata i lona tamana mo lona tinana, ti e pipiki loa a ia ki lona avaga, ti e la liliu loa ko se tino e tasi ?

Luka 12:15

Ti na pati loa a ia kia latou fuli : Kotou tokaga ki le fulupipiki ; talie e leaise fakalogo le mauli o le tagata ki le lasi o nea ala e maua e ia.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Uluaki tosi kia Timoteo 6:9

Kae ko latou ala e fia mou koloa, e vivilo ki le fakasala, mo le masele, ti mo ni oli fakavale mo fakamamae, ala e fakauku ia a tagata ki le maumau mo le pulinoa.