Tetelonome 17:16 - Tosi Tapu

¹⁶ Kae ke aua na maua loa e ia se kau osi lasi ; ti ke aua na toe fakaliliu loa e ia le kakai ki Esipito o totogi ni osi. Talie na pati le Eteleno kia koutou : Ke aua na kotou toe liliu loa i le ala lena.

Tetelonome 17:16 ပူးပေါင်းရင်းမြစ်များ

Lua tosi a Samuele 8:4

Na too loa e Tavite meiate ia a tagata ekeosi e tino afe tino lelau fitu, mo tagata solia saele lalo e tino lua afe ; na tuuti loa e ia a ua o vae o osi o saliote gaoi fuli, kae na tuku loa e ia a osi o saliote tau e kau lelau.

Uluaki tosi o Sau 1:5

Na vilo loa ki le fia nealasi a Atonisa, vosa o Tavite kia Akite, ti na pati loa a ia : Ko au leia ka sau loa ! Na too loa e ia se saliote mo ni tagata ekeosi, ti mo ni kau tagata e tino lima ala na makape loa i ona mua.

Uluaki tosi o Sau 4:26

Na maua e Salomone ni tagata ekeosi e kau agafulu tupu lua afe, ti mo ni nofoaga osi ki osi e kau fa afe ala na toso ia ana saliote.

Uluaki tosi o Sau 5:6

Fakatotonu i le lakaga nei ke ta mai kiate au ni sete mei Lipane. E kau loa aku tagata fakasausau mo au tagata fakasausau, ti e kau totogi atu loa kiate koe le gaoi o au tagata fakasausau o mulimuli ki le totogi leia e ke fakasa loa ; talie e ke iloa e leaise poto se tasi ia matou i le ta o laakau ofaipe le kau Sitone.

Lua tosi o Koloniko 1:16

Na aumai a osi a Salomone mei Esipito ; na ifo ni kau tagata fai koloa a le sau, o totogi mai latou mei ai ;

Lua tosi o Koloniko 9:25

Na maua e Salomone ni nofoaga osi e afe fa ki osi ala na fakatuutuu ki ana saliote, ti mo kau tagata ekeosi e tino agafulu tupu lua afe ala na fakanonofo loa e ia i kolo ala na tanaki ai ana saliote ti mo Selusalemi ke ofi ki le sau.

Pesalemo 20:7

Ko leinei, e kau iloa e saofaki loa e le Eteleno lona filifilia ; E tali loa e ia lana kole mei lagi, mei lona nofoaga maokioki, Ki le tokoi makeke o lona lima atamai.

Ekesote 13:17

I le aso leia na tuku ai loa e Falaone le kakai ke ano, na leaise taki loa e le Atua le kakai i le ala o le fenua o le kau Filisitini, logo ai lona ofi ; talie na pati loa le Atua : E feala loa ke fakasemala le kakai i lana tio ki le tau, ti ke toe liliu loa a ia ki Esipito.

Ekesote 13:18

Kae na taki loa e le Atua le kakai i le ala o le toafa, i le fetuu o le tai Kula. Na pale loa fanau a Iselaele ofaipe se kau tau mei le fenua o Esipito.

Ekesote 14:13

Na tali loa Moisese ki le kakai : Aua na kotou i fua ki se nea e tasi, kotou nonofo mau, ti e kotou tio loa ki le saofaki leia ka fakasoko loa e le Eteleno kia koutou i le aso nei ; talie ko le kau Esipito leia e kotou tio ki ai i le aso nei, e leaise kotou toe tio loa ki ai i se aso.

Esaia 2:7

Kua apele le fenua i le siliva mo le aulo, Ti kua i ai a koloa kesekese. Kua apele le fenua i osi, Ti e leaise koi lau a saliote.

Selemia 42:19

Toetoega o Suta, e pati atu le Eteleno kia koutou : Aua na kotou ano ki Esipito ! Ke kotou iloa e kau tapui kia koutou le nea lena i le aso nei.

Esekiele 17:15

Kae na agatuu a ia kiate ia, o kakau ni ana tagata avelogo ki Esipito, o tupu ke lotou aumai i ai kiate ia se kau osi mo se kau solia lasi. Pe manuia loa leia na fai ia le nea lena ? pe sao loa a ia ? Kua maumaui e ia le sai, ti e sao feaki loa a ia !

Oseo 11:5

E leaise lotou toe liliu loa ki le fenua o Esipito ; Kae e liliu loa le Asilia ko lolatou sau, O tupu na leaise lotou loto ke toe liliu mai kiate au.

Oseo 14:3

E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Mikea 5:10

E kau motusi loa a kolo o lou fenua, Ti e kau soloi loa ou kolo tau fuli ;

Tetelonome 28:68

Ti e toe aumai loa a koe e le Eteleno i ni vaka ki Esipito, ti e ke toe fai ia loa le ala leia na kau pati atu kiate koe : ke aua na ke toe tio loa ki ai ! I lena, ko tagata mo fafine, e kotou fakatau loa koutou totonu ki okoutou fili ke popula, ti e leaise maua loa se tasi leia e fia totogi ia loa koutou.

Uluaki tosi a Samuele 8:11

Na pati loa Samuele : Ko nei a nea ala e fakamaua loa e le sau leia ka pule loa kia koutou. E too loa e ia okoutou vosa, ti e tuku loa e ia latou ke taki ia ana saliote ti ke liliu ko ana kau ekeosi, o tupu ke lotou makape i mua o lana saliote ;