Tetelonome 17:12 - Tosi Tapu

¹² Ko leia e matasoka loa, o leaise fakalogo ki le tagata faisakilifisio leia na fakanofo i le sagatualio ke tausi ki le Eteleno, lou Atua, pe ki le tui fakamaau, e tamate loa. E ke too loa i ai le veli i loto malie o Iselaele.

Tetelonome 17:12 ပူးပေါင်းရင်းမြစ်များ

Esetalasi 10:8

ti na fai loa o mulimuli ki le tonu a le kau pule mo le kau matua : kapau e leaise kaku loa se tasi ki Selusalemi i le oki o aso e tolu, e tonu loa ke too ona koloa fuli, ti e kapu loa a ia totonu mei le fakatasiga o le kakai o Iselaele.

Pesalemo 19:13

Ko ai e iloa ia ona sese ? Fakamolemole mai kiate au ala e leaise kau iloa.

Taagapati 21:11

Ka tautea le tagata fia nealasi, e liliu le tagata valea o poto ; Ti ka ako le tagata poto, e maua e ia le iloa.

Oseo 4:4

Kae ke aua na tuku loa le veli ki se tasi, ke aua na valoki loa se tasi ake ; Talie e kau fai le fakamaau mo koe, leia ko le pule faisakilifisio.

Sakalia 3:7

E folafola le Eteleno o kau tau, o pati : Kapau e ke saele i oku ala, ti kapau e ke tausi aku fakatotonu, e ke fakamaui loa loku fale ti e ke tausi loa oku lotoa tapu, ti e kau tuku loa kiate koe ke ke ulu faitalisa kia latou ala e nonofo i leinei.

Numelo 15:30

Kae kapau e fai loa e se tagata Iselaele pe ko se tagata matapule se agasala i lona loto faitalisa, e nukinuki loa a ia ki le Eteleno, ti e tuuti loa a ia mei loto malie o lona kakai.

Numelo 15:31

Kua nukinuki a ia ki le folafola a le Eteleno, ti kua maumaui e ia lana fakatotonu : kua tuuti e le tagata lena a ia totonu mei lona kakai, ti e amo loa e ia le tua o lana agasala.

Mateo 10:14

Kapau e leaise fakatalitali loa koutou ti e leaise fakalogo loa ki akoutou folafola, kotou mavae i le fale lena pe i le kolo lena, ti kotou tutuui le efu i okoutou vae.

Luka 10:16

Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Soane 12:48

Ko leia e tiaki ia au ti e leaise tali ia aku folafola e maua e ia lona tui fakamaau ; ko le folafola leia na kau fakasa, ko ia leia e fakamaaui ia loa a ia i le aso fakamuli.

Soane 20:23

Ko latou ala e kotou fakamolemole loa ki ai alatou agasala, e fakamolemole loa latou kia latou, ti ko latou ala e kotou taofi loa ki ai alatou agasala, e taofi loa latou kia latou.

Uluaki tosi ki le kau Kolinto 5:13

Kia latou ala i tafa, e fakamaaui latou e le Atua. Kotou too meia koutou le tagata agasala lena.

Tetelonome 1:43

Na kau masau kia koutou, kae na leaise kotou fakalogo. Na kotou fakafefeka loa ki fakatotonu a le Eteleno, ti na kotou fia nealasi loa, o pale ki le mauga.

Tetelonome 10:8

I le temi lena, na vaei kese loa e le Eteleno le faasiga o levi, ti na fakatotonu loa e ia kiate ia ke amo le aleka o le sai a le Eteleno, ke tuu i mua o le Eteleno o tausi a ia, ti mo tapuaki ki le kakai i lona suafa : leia na fai loa e ia o kaku mai ki le aso nei.

Tetelonome 13:11

E fenaaki loa, o tupu ke logo ti ke i a Iselaele katoa, ti ke aua na toe fai loa se agaveli fenaaki iate koe.

Tetelonome 13:5

Ke tautea loa ki le mate le polofeta lena pe ko le tagata fai kikite lena, talie na masau a ia ke fakafesagai ki le Eteleno, lokoutou Atua, leia na fakamavae ia a koe mei le fenua o Esipito, ti na saofaki ia koutou mei le fale o le popula, ti na loto a ia ke fakamaliu a koe mei le ala leia na fakatotonu e le Eteleno, lou Atua, ke ke saele ai. E ke too loa i ai le veli mei loto malie o lou kakai.

Tetelonome 13:6

Kapau e fakasekeseke fakafufu loa kiate koe lou taina, le vosa o lou tinana, pe ko lou vosa, pe ko lou taine, pe ko lau avaga totonu, pe ko lou soa leia e ke alofa ki ai ofaipe koe totonu, o pati atu : Ke ta ano o tausi ki ni iki atua kese ! ko ni atua ala e leaise ke iloa ti na leaise iloa foki e ou tamana ;

Tetelonome 17:13

E logo loa ki ai le kakai katoa, ti e maua loa e ia le i, ti e leaise matasoka loa a ia.

Tetelonome 17:7

E uluaki siki loa kiate ia le lima o tagata fakamaoki o tamate a ia, ti o muli atu loa le lima o le kakai katoa. E ke too loa i ai le veli i loto malie o Iselaele.

Tetelonome 18:20

Kae kapau e matasoka loa se polofeta o fakasa ia i loku suafa se folafola leia na leaise kau fakatotonu kiate ia ke fakasa, pe masau loa a ia i le suafa o ni atua kese, e tamate loa le polofeta lena.

Tetelonome 18:5

talie ko ia leia na filifili e le Eteleno, lou Atua, i faasiga fuli o Iselaele, ke fai ia le tausi i le suafa o le Eteleno, a ia mo ona vosa, o tuumau.

Tetelonome 18:7

ti e fai loa e ia le tausi i le suafa o le Eteleno, lona Atua, ofaipe ona fetaina Levi fuli ala e tutuu i lena i mua o le Eteleno,

Uluaki tosi ki le kau Tesalonika 4:2

Talie e kotou iloa foki a fakatotonu ala na motou tuku atu kia koutou mei le Aliki Sesu.

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.

Uluaki tosi kia Timoteo 5:20

Ko latou ala e agasala, valoki latou i mua o le Ekelesia katoa, o tupu ke i foki mo latou ake ala.

Sosue 1:18

E tautea loa ki le mate a tagata fuli e fakatutuu loa ki lau lagiaki, ti e leaise fakalogo loa ki nea fuli e ke fakatotonu loa ki ai. Ko leia fua ke ke fakamakeke, ti mo ke loto toa !

Tuifakamaau 20:13

Kotou tuku mai kia matou i le aso nei latou ala na fai ia le nea lena, a tagata veli o Kipea, ke motou tamate latou ti ke motou fakapuli ai le veli i loto malie o Iselaele. Kae na leaise fia logo loa a vosa o Pesamino ki le leo o olatou fetaina, fanau a Iselaele.

Uluaki tosi a Samuele 3:13

Na kau fakasa kiate ia e kau loto ke tautea lona fale o lee gato, o tupu ko le agaveli leia na iloa e ia, leia na fai e ona vosa, kae na leaise taofi loa e ia latou.