Tetelonome 17:11 - Tosi Tapu

¹¹ E ke mulimuli loa ki le lao leia e lotou ako atu loa kiate koe mo le tonu leia e lotou tuku atu loa kiate koe. Ke aua na ke mavae loa ki le fetuu atamai pe ko le fetuu sema o le tonuaga leia e lotou fakasa atu loa kiate koe.

Tetelonome 17:11 ပူးပေါင်းရင်းမြစ်များ

Lua tosi a Samuele 14:19

Na pati loa le sau : Pe na leaise kau le lima o Soape mo koe i le faufau o le nea leinei ? Ti na tali loa le fafine : E ke mauli, ei loku aliki, ti e leaise loi se nea fua i nea ala e pati ki ai loku aliki, le sau. Ko lau tagata fakasausau totonu ko Soape leia na tuku ia mai kiate au a fakatotonu ti na tuku ia ki le gutu o lau fafine fakasausau a masau fuli ana.

Taagapati 4:27

Aua na ke maliu ki le fetuu atamai pe ko le fetuu sema, Ti fakamamao lou vae i le veli.

Levitiko 10:11

Ti e toe fenaaki foki mo ka kotou ako ki fanau a Iselaele a lao ala na kau tuku kia koutou ia Moisese.

Tetelonome 17:10

E ke mulimuli loa ki le tonu leia e lotou fakasa loa kiate koe i le ganea leia e filifili loa e le Eteleno. E ke tokaga loa o fai a nea fuli ala e lotou ako atu loa kiate koe.

Tetelonome 17:20

E taupau loa e ia i ai lona loto, o tupu ke aua na fia malaga loa a ia ki aluga o ona fetaina, ti ke aua na fia mavae kese loa a ia i folafola a le Eteleno ki le fetuu atamai pe ki le fetuu sema, ti ke fakatologa loa e ia lona mauli i lona puleaga, o ona mo ona vosa, i loto malie o Iselaele.

Tetelonome 25:1

Ka fefele loa ni tagata, ti na la ano loa ki mua o le fakamaau ke fakamaaui laua e le tui fakamaau, e fakamatatonu loa leia e mea, kae fakatuaa loa leia e sala.

Tetelonome 28:14

mo kapau e leaise ke maliu loa ki le fetuu atamai pe ko le fetuu sema o folafola fuli ala e kau tuku atu kia koutou i le aso nei, o pipiki loa ki ni atua kese ti mo su loa kia latou.

Tetelonome 5:32

Koia ke kotou tokaga ai o fai le nea leia na fakatotonu kia koutou e le Eteleno, lokoutou Atua. Ke aua na kotou maliu loa ki le fetuu atamai pe ko le fetuu sema.

Tito 3:1

Fakamanatu kia latou ke lotou fakataulalo ki le kau takitaki mo le kau pule, ke lotou fakalogo kia latou mo nofo teuteu ki gaoi malilie fuli ;

Sosue 1:7

Ko leia fua ke ke fakamakeke, mo ke loto toa lasi, o agatonu ki le lao katoa leia na kau tuku kia Moisese, laku tagata fakasausau : Ke aua na ke maliu ki le fetuu atamai pe ko le fetuu sema, o tupu ke ke manuia i ganea fuli e ke ano loa ki ai.

Sosue 23:6

Ke kotou tokaga o tausi i lokoutou loto katoa ti mo fai a nea fuli ala e tuu i le tosi lao a Moisese, ke aua na kotou se ki le fetuu atamai pe ko le fetuu sema.

Lua tosi a Petelo 2:10

tafito latou ala e makape i muli o le kanofi i se oli fakakelekele, ti e nukinuki ki le pule a le Atua. E lotou agamakeke mo loto fefeka, e leaise lotou i fuai i le lauveli ki le kau pule fakakololia o le lagi,

Suta 1:8

Logo ai le nea lena, ko tagata foki ana e fai nea tatau : e lotou maua ni tio ala e taki ia latou ke lotou fakakelekele olatou tino, ti e lotou nukinuki ki le pule a le Aliki, ti e lotou lauveli ki kololia i le lagi.