Tetelonome 16:7 - Tosi Tapu

⁷ E ke fakamoso loa le vikitima, ti e ke kai loa a ia i le ganea leia e filifili loa e le Eteleno, lou Atua. Ti e ke toe liliu loa i le pogipogi usu ki lou kaiga.

Tetelonome 16:7 ပူးပေါင်းရင်းမြစ်များ

Lua tosi o Sau 23:23

Na fai loa le Pasikate lena ki le Eteleno i le fetuu kau agafulu tupu valu o le sau o Sosiasi.

Lua tosi o Koloniko 35:13

Na lotou fakamoso loa le Pasikate i le afi, o mulimuli ki le fakatotonu, ti na lotou fakamoso loa a inati taputapu i ni kulo mo ni fakapaku ; ti na lotou fakatavili loa o tufa latou ki le kakai.

Soane 11:55

Kua ofi le Pasikate o le kau Sutea. Ti na pale loa se kakai toka api o le fenua ki Selusalemi i mua o le Pasikate, ke fakamea latou.

Soane 2:13

Ti kua ofi le Pasikate o le kau Sutea, na pale loa Sesu ki Selusalemi.

Soane 2:23

I le nofo a Sesu i Selusalemi i le aso o le Pasikate, na tui loa se toka api ki lona suafa, i lalatou tio ki milakulo ala na fai e ia.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 16:2

E ke momoli loa le Pasikate ki le Eteleno, lou Atua, ki au vikitima liliki mo lalasi, i le ganea leia e filifili loa e le Eteleno ke nofo ai lona suafa.

Tetelonome 16:6

kae e ke momoli loa le Pasikate i le ganea leia e filifili loa e le Eteleno, lou Atua, ke nofo ai lona suafa, i le afiafi, i le vilo o le laa, i le ola totonu leia na ke mavae ai i Esipito.