Tetelonome 16:19 - Tosi Tapu

¹⁹ Ke aua na ke fakasala ia loa le fakamaau, ke aua na ke tio loa ki le tagata, ti ke aua na ke tali loa se moliga, talie e fakakivi e moliga a mata o le kau poto ti e lotou fakasalasala ia loa a masau a le kau agatonu.

Tetelonome 16:19 ပူးပေါင်းရင်းမြစ်များ

Pesalemo 15:5

E leaise afa e ia se tupu o lana paaga, Ti e leaise tali e ia se nea alofa ki leia e mea. Ko leia e fai fenaaki, e leaise toe siga a ia i se aso.

Ekesote 18:21

Filifili e koe i le kakai katoa ni tagata poto, ni tagata ala e alofa ki le Atua, ni tagata agatonu mo loto sako ti e leaise manumanu ; ti fakanofo loa e koe latou ko ni pule ki le tino afe, mo le tino lelau, mo le tino lima, ti mo le tino agafulu.

Ekesote 23:2

Aua na ke muli loa i le toka api, o fai se nea leia e veli ; ti aua na ke fakamaoki loa i se fakamaauaga kia latou ala e toka api o agatuu ki le maoki.

Ekesote 23:3

Aua na ke fakafetuu tasi loa ki le tagata mativa i lona fakamaau.

Taagapati 15:27

Ko leia e manumanu koloa e fakamamae ia lona fale, Kae ko leia e vesia ki nea alofa e mauli loa.

Taagapati 17:23

Ko le tagata agaveli e tali fakafufu ia ni nea alofa Ke fetogi ai a ala o le faitotonu.

Taagapati 18:5

E leaise malie ke kau mo le tagata agaveli, O fakafiti le faitotonu ki le tagata saosaoa i le fakamaauaga.

Taagapati 24:23

Ko leinei foki le tasi a nea e au mei le kau poto : E leaise malie, i fakamaau, ke fakapalatasi ki se tagata.

Taagapati 24:28

Aua na ke fakamaoki ki lou oloi i se nea leia na leaise ke tio mata ki ai ; Pe ke loto ke ke loi i ou laugutu ?

Taagapati 31:5

Talie na lotou konana, ti lotou galoi loa le lao, Ti leaise lotou tokaga loa ki le kau mativa.

Ekelesiasi 7:7

E fakaliliu e le fakamakeke le tagata poto o valea, ti e fakaliliu e nea alofa le loto o veli.

Esaia 1:17

Kotou ako le fai o le nea e malie, kotou afa le faitotonu, Kotou puipui leia e fakavelivelii ; Kotou fai le nea e totonu ki le toe sala matua, Kotou puipui le fafine lokonui,

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 33:15

Ko le tagata leia e saele i le faitotonu, Ti e masau i le maoki, Leia e vesia ki se totogi o le fakamakeke, Leia e tata ona lima ke aua na tali se nea alofa, Leia e tapono ona taliga ke aua na logo ki ni masau o le toto, Leia e sai ona mata ke aua na tio ki le veli,

Selemia 5:28

Kua lotou pepeti, ti kua lotou gigila ; Kua lotou fakalaka i fuafua fuli o le veli ; E leaise lotou fakamaau i le faitotonu, E leaise lotou fakamaau i le faitotonu le toe sala matua, leia e tonu ke malo i lona fakamaau ; E leaise lotou fai le nea e totonu ki le kau mativa.

Esekiele 18:8

Leia e leaise soli ke ui ake mo se tupu, ti mo se totogi o le fakaaoga, leia e fakamamao lona lima i le agaveli ti e fakamaui i le faitotonu se tagata mo se tasi tagata,

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Levitiko 19:15

Aua na ke fai loa se tonu sala i au fakamaau : aua na ke tio loa ki le mativa o se tagata, ti aua na ke tio loa ki le mauiga o se tagata, kae e ke fakamaaui loa lou oloi o mulimuli ki le lao totonu.

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.

Apakuki 1:4

Koia e leaise koi mauli ai le lao, E leaise koi makeke ai le faitotonu : Talie kua malo le tagata agaveli i le tagata faitotonu, Ti kua salasala a fakamaau.

Gaoi 10:34

Ti na fakamavaa loa e Petelo lona gutu, o pati : E maoki e kau iloa e leaise filifili lanu le Atua,

Gaoi 16:37

Kae na pati loa Paulo ki tagata solia : Kua lotou sasa maua i mua o le kakai, kae na leaise fakamaaui mua maua, maua ala ko tagata Loma, ti kua lotou tuku maua ki le pilisoni, ti ko leinei e lotou fakamavae fakafufu maua ! E leaise fai fenaaki loa ! Ke lotou au totonu o fakalauatea maua.

Gaoi 23:3

Ti na pati loa Paulo kiate ia : E taai loa a koe e le Atua, paa pena tea ! E ke ekeeke ke fakamaaui au, o mulimuli ki le lao, ti e ke maumaui le lao, o fakatotonu ke paai au !

Tetelonome 10:17

Talie ko le Eteleno, lokoutou Atua, ko le Atua o atu lagi, ko le Aliki o aliki fuli, ko le Atua lasi, mo makeke mo fakaii, leia e leaise tiotio tagata ti e leaise totogi ki se moliga.

Tetelonome 16:18

I kolo fuli ala e soli atu loa kiate koe e le Eteleno, lou Atua, e ke fakanofo loa ni tui fakamaau mo ni ofisa ke fakamaau ia le kakai i le faitotonu.

Tetelonome 24:17

Ke aua na ke fakasalai ia loa se fakamaau ke veli ki le matapule mo le fanau leia kua mate lona tamana, ti ke aua na ke too ia loa a kofu o se fafine leia kua mate lona avaga ke fakamaoki ai le totogi o se maua.

Tetelonome 27:19

Ke malaia le tagata leia e fakasalai ia loa le fakamaau o se matapule, pe ko se fanau leia e sala tamana, pe ko se fafine leia e sala avaga ! Ti e pati loa le kakai katoa : Amene !

Tetelonome 27:25

Ke malaia le tagata leia e tali ia loa se moliga ke liligi ai le toto o le tagata mea ! Ti e pati loa le kakai katoa : Amene !

Uluaki tosi a Samuele 12:3

Ko leinei au ! Ke kotou fakamaoki mai kiate au i mua o le Eteleno, mo mua o lona filifiliia. Ko ai leia na kau too ia lana pipi ti ko ai leia na kau too ia lana asino ? Ko ai leia na kau kakaai ti ko ai leia na kau fai fakaveliveli ? Ko ai leia na kau tali mei ai se nea alofa ke tapono ai oku mata kiate ia ? E kau toe fakaliliu loa a ia kiate ia.

Uluaki tosi a Samuele 8:1

I le matua o Samuele, na fakanofo loa e ia ona vosa ke tui fakamaau i Iselaele.

Uluaki tosi a Samuele 8:3

Na leaise saele loa a vosa o Samuele i ona ala ; na la manumanu koloa loa, o la tali loa ni nea alofa ti na la maumaui loa le faitotonu.