Tetelonome 16:15 - Tosi Tapu

¹⁵ E ke fai loa le aso lena ki le Eteleno, lou Atua, i aso e fitu, i le ganea leia e filifili loa e le Eteleno ; talie e tapuaki loa kiate koe le Eteleno, lou Atua, i au fuata fuli mo gaoi fuli o ou lima, ti e ke fiafia maoki loa.

Tetelonome 16:15 ပူးပေါင်းရင်းမြစ်များ

Neemia 8:17

Ko le kakai katoa leia na toe liliu mai mei le popula na fakatuu ia loa ni fale pola, ti na lotou nonofo loa i ai. Talu mei le temi o Sosue, vosa o Nune, o kaku mai ki le aso leinei, na leaise fai e fanau a Iselaele se nea o tatau mo le nea leinei. Ti na i ai loa se fiafia lasi.

Esitele 9:22

ofaipe ni aso ala na malolo ai le kau Sutea i olatou fili, ke lotou fakamanatu le masina leia na fetogi ai lolatou mamae ki le fiafia, lolatou tagi ki se aso malie, ke lotou fai ki aso ana ni aso kai mo fakafiafia, ti ke lotou fai ni nea alofa ia latou mo ni nea alofa ki le kau mativa.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 16:10

Ti e ke fai loa le aso o le Penikosite ki le Eteleno, lou Atua, ti e ke fai loa ni moliga alofa, o fakafuafua ki le lasi o nea malilie ala na tuku atu kiate koe e le Eteleno, lou Atua.

Tetelonome 16:14

E ke fakafiafia loa i le aso lena, a koe mo lou vosa, mo lou taine, mo lau tagata fakasausau, mo lau fafine fakasausau, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa mo koe.

Tetelonome 16:16

E tua tolu loa i le fetuu, e ano loa a tagata fuli o lou kakai ki mua o le Eteleno, lou Atua, i le ganea leia e filifili loa e ia : i le aso o pane sala fakatupu, i le aso o le Penikosite, mo le aso o tapenakulo. Ke aua na ano loa ki mua o le Eteleno mo lima ata.

Tetelonome 30:16

talie e kau fakatotonu atu kiate koe i le aso nei ke ke alofa ki le Eteleno, lou Atua, o saele i ona ala, ti mo tausi ana folafola, mo ana lao, mo ana lekula, o tupu ke ke mauli ti mo ke liuliuga, ti ke tapuakii a koe e le Eteleno, lou Atua, i le fenua leia e ke ulu loa ki ai o maua tofiga.

Tetelonome 7:13

E alofa loa a ia kiate koe, ti e tapuaki loa a ia kiate koe, ti e liuliuga loa e ia a koe. E tapuaki loa a ia ki fua o lou manava mo fua o lou kele, ki lau fulumeto, mo lau vino foou, mo lau lolo, ki le fua o lau kau pipi fafine, mo le fua o lau kau ovi fafine, i le fenua leia na fakapapau e ia ki ou tamana ke soli atu kiate koe.