Tetelonome 15:5 - Tosi Tapu

⁵ koleia fua, ke ke fakalogo loa ki le leo o le Eteleno, lou Atua, o tausi ti mo fai ana folafola katoa ala e kau tuku kiate koe i le aso nei.

Tetelonome 15:5 ပူးပေါင်းရင်းမြစ်များ

Pesalemo 19:11

E lotou mauiga ake i le aulo, io, i le aulo mea lasi ; E lotou sua malie ake i le meli, io, i le meli leia e sali mei laui meli.

Tetelonome 15:4

Koleia, e leaise maua loa se mativa iate koe, talie e fakaapele loa a koe e le Eteleno, lou Atua, ki nea malilie i le fenua leia e soli atu loa e ia ke ke maua tofiga,

Tetelonome 15:6

E tapuaki loa le Eteleno, lou Atua, kiate koe o fai ki lana pati atu kiate koe : E ke soli loa ni maua paaga ki ni puleaga mauke, ti e leaise ke too maua loa ; e ke pule loa ki ni puleaga mauke, kae e leaise pule loa se puleaga kiate koe.

Tetelonome 26:14

Na leaise kau kai loa se potu o le vaega kau agafulu i le temi leia na kau nofo ai i le putu, na leaise kau too loa se nea i ai o fakaaoga ki se nea kelekele, ti na leaise kau soli loa i ai se nea o uiga mo se mate ; na kau fakalogo loa ki le leo o le Eteleno, loku Atua, ti na kau fai loa o mulimuli ki lao fuli ala na ke tuku mai kiate au.

Tetelonome 4:9

Koleia fua ke ke tokaga kiate koe totonu, o tausi fakamalotoloto lou loto, i aso fuli o lou mauli, ke aua na galo loa iate koe a nea fuli ala na tio ki ai ou mata, ti ke aua na ke fakamamao loa a nea ana i lou loto, kae ke ke fakamatala loa latou ki ou vosa mo vosa o ou vosa.

Tetelonome 6:2

o tupu ke ke i ki le Eteleno, lou Atua, o tausi i aso fuli o lou mauli, e koe, mo lou vosa, mo le vosa o lou vosa, ana lao fuli mo ana lekula fuli ala e kau tuku kiate koe, o tupu foki ke ke fakatologa ou aso.

Filipe 1:27

Koleia fua, kotou saele i se saele leia e gali mo le Evaselio o Kilisito, o tupu, pe kau natu o tio kia koutou, pe kau puli, ke kau logo e kotou tuu makeke i se loto e tasi, o tau i se laumalie e tasi ki le tui o le Evaselio ;

Sosue 1:7

Ko leia fua ke ke fakamakeke, mo ke loto toa lasi, o agatonu ki le lao katoa leia na kau tuku kia Moisese, laku tagata fakasausau : Ke aua na ke maliu ki le fetuu atamai pe ko le fetuu sema, o tupu ke ke manuia i ganea fuli e ke ano loa ki ai.